ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ଇରାନକୁ କଡ଼ା ଚେତାବନୀ ଦେଇଛନ୍ତି। ସେ କହିଛନ୍ତି ଯେ ଇରାନ ପାଖରେ ଏକ ଚୁକ୍ତିରେ ପହଞ୍ଚିବା ପାଇଁ ମାତ୍ର ୪୮ ଘଣ୍ଟା ସମୟ ବାକି ଅଛି। ଯଦି ଏହି ସମୟ ମଧ୍ୟରେ ଏକ ଚୁକ୍ତି ନହୁଏ, ତେବେ ପରିସ୍ଥିତି ବହୁତ ଗମ୍ଭୀର ହୋଇପାରେ। ସେ ଏହା ମଧ୍ୟ ମନେ ପକାଇ ଦେଇଛନ୍ତି ଯେ ସେ ପୂର୍ବରୁ ଇରାନକୁ ଏକ ଚୁକ୍ତିରେ ପହଞ୍ଚିବା କିମ୍ବା ହର୍ମୁଜ୍ ପ୍ରଣାଳୀ ଖୋଲିବା ପାଇଁ ୧୦ ଦିନ ସମୟ ଦେଇଥିଲେ।

ଟ୍ରମ୍ପ ହର୍ମୁଜ୍ ପ୍ରଣାଳୀ ସମ୍ପର୍କରେ ବିଭିନ୍ନ ବୟାନ ଦେଇଛନ୍ତି। ନିଜର ଏକ ଭାଷଣ ସମୟରେ, ସେ କହିଥିଲେ ଯେ ଆମେରିକା ଇରାନକୁ ସମ୍ପୂର୍ଣ୍ଣ ଦୁର୍ବଳ କରିଦେଇଛି ଏବଂ ବାକି କାମ ଖୁବ୍ ଶୀଘ୍ର ସମାପ୍ତ ହେବ। ଶୁକ୍ରବାର, ସେ ସୋସିଆଲ ମିଡିଆରେ ଲେଖିଛନ୍ତି ଯେ ଅଧିକ ସମୟ ଦେଲେ, ଆମେରିକା ସହଜରେ ହର୍ମୁଜ୍ ପ୍ରଣାଳୀ ଖୋଲିପାରିବ, ସେଠାରୁ ତେଲ ବାହାର କରିପାରିବ ଏବଂ ବିପୁଳ ଲାଭ କରିପାରିବ। 

ଟ୍ରମ୍ପ ପ୍ରଥମେ କହିଥିଲେ ଯେ ଇରାନ ସହିତ ଯୁଦ୍ଧକୁ ନେଇ ଆମେରିକା ଇରାନକୁ ସମ୍ପୂର୍ଣ୍ଣ ଦୁର୍ବଳ କରିଦେଇଛି। ସେ ଦାବି କରିଥିଲେ ଯେ ଇରାନର ସାମରିକ ଏବଂ ରାଡାର ପ୍ରଣାଳୀ ପ୍ରାୟ ନଷ୍ଟ ହୋଇସାରିଛି ଏବଂ ଆମେରିକା ବହୁତ ଶକ୍ତିଶାଳୀ। ତଥାପି, ଯୁଦ୍ଧର ରିସ୍ଥିତି ସମ୍ପୂର୍ଣ୍ଣ ବିପରୀତ ରହିଛି। ଶୁକ୍ରବାର ଇରାନ ଏକ ଆମେରିକୀୟ ଲଢ଼ୁଆ ବିମାନକୁ ଗୁଳି କରି ଖସାଇ ଦେଇଥିଲା। ଏଥିରେ ଜଣେ ପାଇଲଟଙ୍କୁ ଉଦ୍ଧାର କରାଯାଇଥିଲା ଏବଂ ଅନ୍ୟ ଜଣଙ୍କ ସନ୍ଧାନ ଜାରି ରହିଛି। ଇରାନ ମଧ୍ୟ ଅନ୍ୟ ଏକ ଆମେରିକୀୟ ବିମାନକୁ କ୍ଷତି ପହଞ୍ଚାଇଥିବା ଦାବି କରିଥିଲା। ଏହା ସ୍ପଷ୍ଟ ଭାବରେ ସୂଚିତ କରୁଛି ଯେ ଇରାନ ପାଖରେ ଏବେ ବି ପ୍ରତିଶୋଧ ନେବାର କ୍ଷମତା ରଖିଛି।

ଦରକାର ନାହିଁ ଟ୍ରମ୍ପଙ୍କ ସାହାଯ୍ୟ, ହର୍ମୁଜ ଖୋଲିବା ପାଇଁ ପ୍ଲାନ ବି କରୁଛନ୍ତି ଭାରତ ସମେତ ୬୦ ଦେଶ

ସହଯୋଗୀ ରାଷ୍ଟ୍ରମାନେ ସମର୍ଥନ କରିବାକୁ ମନା 

ଉଭୟ ଦେଶ ପରସ୍ପର ଉପରେ ଆକ୍ରମଣ ଏବଂ ହର୍ମୁଜ୍ ପ୍ରଣାଳୀର ପ୍ରାୟ ବନ୍ଦ ହେବା ଭଳି ଇରାନର ସତସାହାସ ଦେଖି  ଟ୍ରମ୍ପ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ହର୍ମୁଜ ପ୍ରଣାଳୀ ଅବରୋଧ ହେବାରୁ ଏହା ବିଶ୍ୱ ତୈଳ ଯୋଗାଣକୁ ପ୍ରଭାବିତ କରିଥିଲା। ଏହି ପଥକୁ ପୁନଃ ଖୋଲିବା ପାଇଁ ଟ୍ରମ୍ପ ଅନ୍ୟ ଦେଶଙ୍କଠାରୁ ସାହାଯ୍ୟ ମାଗିଥିଲେ, କିନ୍ତୁ ଅନେକ ସହଯୋଗୀ ରାଷ୍ଟ୍ର ସହଯୋଗ କରିବାକୁ ଅନିଚ୍ଛା ପ୍ରକାଶ କରିଥିଲେ। 

ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ କହିଛନ୍ତି ଯେ ଆମେରିକା ନ ପଚାରି ଯୁଦ୍ଧ ଆରମ୍ଭ କରିଥିଲା। ତେଣୁ ଅନ୍ୟମାନଙ୍କଠାରୁ ସାହାଯ୍ୟ ଆଶା କରିବା ଉଚିତ୍ ନୁହେଁ। ବ୍ରିଟିଶ ପ୍ରଧାନମନ୍ତ୍ରୀ କାଇର ଷ୍ଟାରମର ମଧ୍ୟ ଯୁଦ୍ଧରେ ଆମେରିକାକୁ କୌଣସି ବି ସହଯୋଗ କରିବାକୁ ଦେବାକୁ ମନା କରିଥିଲେ। ଉଭୟ ଦେଶ କହିଥିଲେ ଯେ ସେମାନେ ଯୁଦ୍ଧ ଶେଷ ହେବା ପରେ କେବଳ ଏହି ବିଷୟରେ କାମ କରିବେ। ନାଟୋ ଦେଶଗୁଡ଼ିକ ମଧ୍ୟ ଆମେରିକାକୁ ସାହାଯ୍ୟ କରିବାକୁ ମନା କରିଥିଲେ।

ଆମେରିକା ଭିତରେ ଟ୍ରମ୍ପଙ୍କ ବିରୋଧ

ଆମେରିକା ଭିତରେ ଟ୍ରମ୍ପଙ୍କ ନିଷ୍ପତ୍ତିକୁ ନେଇ ବିରୋଧର ସ୍ଵର ଉଠିଛି। ତାଙ୍କର କିଛି ନେତା କହିଛନ୍ତି ଯେ ବିଶ୍ୱକୁ ଦୃଢ଼ ସହଯୋଗୀଙ୍କ ଆବଶ୍ୟକତା ଅଛି। ଟ୍ରମ୍ପଙ୍କ ପୂର୍ବତନ ପରାମର୍ଶଦାତା ଜନ୍ ବୋଲ୍ଟନ୍ କହିଛନ୍ତି ଯେ ସହଯୋଗୀଙ୍କ ସହ ପରାମର୍ଶ ନ କରି ଯୁଦ୍ଧ ଆରମ୍ଭ କରିବା ଏକ ଭୁଲ ଥିଲା। ବିଶେଷଜ୍ଞମାନେ କହିଛନ୍ତି ଯେ ନିଷ୍ପତ୍ତି ନେବା ପାଇଁ ଟ୍ରମ୍ପଙ୍କ ନୀରବ ଆଭିମୁଖ୍ୟ ଏବେ ସମସ୍ୟାକୁ ଆହୁରି ବଢାଇ ଦେଇଛି।  କାରଣ ଯୁଦ୍ଧ ଭଳି ପରିସ୍ଥିତିରେ କୌଣସି ବ୍ୟକ୍ତି ସବୁ କିଛି ନିୟନ୍ତ୍ରଣ କରିପାରିବେ ନାହିଁ।