ନୂଆଦିଲ୍ଲୀ: ଆମେରିକା ଏବଂ ଇରାନ ମଧ୍ୟରେ ଯୁଦ୍ଧବିରତି ଘୋଷଣା ହୋଇଥିଲା। ଏହି ଘୋଷଣାକୁ କେଇ ଘଣ୍ଟା ନ ଯାଉଣୁ ଯୁଦ୍ଧବିରତିର ଉଲ୍ଲଂଘନ ହୋଇଛି। ଇସ୍ରାଏଲ ଲେବାନନ ଉପରେ ଜୋରଦାର ହମଲା କରିଛି। ଏହାକୁ ନେଇ ଇରାନ କୋଠର ଆଭିମୁଖ୍ୟ ଆପଣେଇଛି। ଇରାନ କହିଛି ଯେ ଯଦି ଲେବାନନ ଉପରେ ଆକ୍ରମଣ ଜାରି ରହେ, ତେବେ ଯୁଦ୍ଧବିରତି ଭଙ୍ଗ କରାଯିବ। ଏହା ଯୁଦ୍ଧବିରତିରୁ ଓହରିଯିବାକୁ ଧମକ ଦେଇଛି। ଏହା ହର୍ମୁଜ୍ ପ୍ରଣାଳୀ ଦେଇ ଟ୍ୟାଙ୍କର୍ ଚଳାଚଳକୁ ପୁଣି ଅବରୋଧ କରିଛି। 

ଇରାନ ଇସ୍ରାଏଲ ଉପରେ ଯୁଦ୍ଧବିରତି ଉଲ୍ଲଂଘନ କରିଥିବା ଅଭିଯୋଗ କରିଛି। ପ୍ରକୃତରେ, ଦୁଇ ଦେଶ ମଧ୍ୟରେ ଯୁଦ୍ଧବିରତି ସତ୍ତ୍ୱେ, ଇରାନ ଉପରେ ଲଗାତାର ଆକ୍ରମଣ ଚାଲିଛି। ଇରାନର ଲାଭାନ ଏବଂ ସିରି ଦ୍ୱୀପପୁଞ୍ଜ ଉପରେ ଆକ୍ରମଣ ହୋଇଛି। ଲେବାନନ ଉପରେ ଇସ୍ରାଏଲୀ ଆକ୍ରମଣ ପରେ, ଇରାନ ହର୍ମୁଜ୍ ପ୍ରଣାଳୀ ଦେଇ ଟ୍ୟାଙ୍କରଗୁଡ଼ିକର ଯତାୟତକୁ ଅବରୋଧ କରିଛି। ବିନା ଅନୁମତିରେ ହର୍ମୁଜ ଦେଇ କୌଣସି ଜାହାଜ ଅତିକ୍ରମ କରି ପାରିବ ନାହିଁ ବୋଲି ଇରାନ କହିଛି। ଅନ୍ୟପଟେ  ଇସ୍ରାଏଲ ପୂର୍ବରୁ କହିଛି ଯେ ଯୁଦ୍ଧବିରତିର ସର୍ତ୍ତାବଳୀ ଲେବାନନ ଉପରେ ପ୍ରଯୁଜ୍ୟ ନୁହେଁ।

ଟ୍ରମ୍ପ୍ କାହିଁକି କଲେ ଆତ୍ମସମର୍ପଣ ? ଜାଣନ୍ତୁ ବାହାଷ୍ପୋଟ ମାରି ସରେଣ୍ଡର କରିବାର 5 କାରଣ
 

ହ୍ୱାଇଟ୍ ହାଉସ୍ ସ୍ପଷ୍ଟ କରିଛି ଯେ ଏହି ଚୁକ୍ତିନାମା କେବଳ ଆମେରିକା ଏବଂ ଇରାନ ପାଇଁ ଉଦ୍ଦିଷ୍ଟ। ଲେବାନନ୍ ଏଥିରେ ସାମିଲ ନୁହେଁ। ଅନ୍ୟପକ୍ଷରେ ଇସ୍ରାଏଲ କହିଛି ଯେ ଯୁଦ୍ଧବିରତି ସର୍ତ୍ତାବଳୀ ସେଠାରେ ପ୍ରଯୁଜ୍ୟ ନୁହେଁ କାରଣ ହିଜବୁଲ୍ଲା ଲେବାନନରେ ସକ୍ରିୟ ରହିଛି। ଇସ୍ରାଏଲ ଗୋଟିଏ ପଟେ ଆମେରିକା ଏବଂ ଇରାନ ମଧ୍ୟରେ ଯୁଦ୍ଧବିରତିକୁ ସମର୍ଥନ କରିଥିବା ବେଳେ  ଅନ୍ୟପଟେ ଲେବାନନ୍ ଉପରେ ବିମାନ ଆକ୍ରମଣକୁ ତୀବ୍ର କରିଛି। 
 

ଶାନ୍ତି ପ୍ରକ୍ରିୟାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ପାକିସ୍ତାନର ପ୍ରଧାନମନ୍ତ୍ରୀ ଶାହବାଜ ସରିଫ ଗଭୀର ଚିନ୍ତା ପ୍ରକାଶ କରିଛନ୍ତି। ସେ ସମସ୍ତ ପକ୍ଷଙ୍କୁ ସଂଯମତା ଅବଲମ୍ବନ କରିବାକୁ ଏବଂ ଦୁଇ ସପ୍ତାହର ଅସ୍ତ୍ରବିରତିକୁ ସମ୍ମାନ ଦେବାକୁ ନିବେଦନ କରିଛନ୍ତି ଯାହା ଦ୍ଵାରା କୂଟନୀତି ମାଧ୍ୟମରେ ସମାଧାନ ମିଳିପାରିବ।

ବିଶ୍ୱ ରାଜନୀତି ହଲଚଲ, ଟ୍ରମ୍ପଙ୍କ ବଡ଼ ଚେତାବନୀ, ଆଜି ରାତିରେ ଏକ ‘ସଭ୍ୟତାର ଅନ୍ତ’
 

ଇସ୍ରାଏଲ  କହିଛି ଲେବାନନରେ ଏହାର ଏୟାର ଷ୍ଟ୍ରାଇକ ଅଭିଯାନ ଜାରି ରହିବ। ଯୁଦ୍ଧର ପ୍ରାୟ ୪୦  ଦିନ ପରେ, ଆମେରିକା ଏବଂ ଇରାନ ମଧ୍ୟରେ ଏକ ଯୁଦ୍ଧବିରତି ହୋଇଛି। ଏହି ଯୁଦ୍ଧବିରତି ୧୪ ଦିନ ପାଇଁ ରହିଛି। ଅର୍ଥାତ୍ ଦୁଇ ଦେଶ ପରବର୍ତ୍ତୀ ଦୁଇ ସପ୍ତାହ ପାଇଁ ପରସ୍ପର ଉପରେ ଆକ୍ରମଣ କରିବେ ନାହିଁ। ତଥାପି, ମାତ୍ର କିଛି ଘଣ୍ଟା ପରେ, ଇରାନ ଯୁଦ୍ଧବିରତି ସମ୍ପର୍କରେ ଏହି ବିବୃତ୍ତି ଜାରି କଲା।  ଯୁଦ୍ଧବିରତିରୁ ଓହରିଯିବାକୁ ଧମକ ଦେଇଛି ଇରାନ।