କୋଲକାତା/ଢାକା: ବାଂଲାଦେଶରେ ଆଉ ଦୁଇ ଜଣ ହିନ୍ଦୁ ବ୍ରହ୍ମଚାରୀଙ୍କୁ ଗିରଫ କରାଯାଇଛି ବୋଲି ଇଣ୍ଟରନ୍ୟାସନାଲ ସୋସାଇଟି ଅଫ୍ କ୍ରିଷ୍ଣା ଚେତନା (ଇସ୍କନ୍) କୋଲକାତାର ମୁଖପାତ୍ର ରାଧାରମଣ ଦାସ ଶନିବାର ଦାବି କରିଛନ୍ତି। ରାଧାରମଣ ଏକ ସାକ୍ଷାତକାରରେ କହିଛନ୍ତି, ବାଂଲାଦେଶର ପୁଲିସ ଆଉ ଦୁଇ ଜଣ ଇସ୍କନ ବ୍ରହ୍ମଚାରୀ (ରୁଦ୍ରପ୍ରୋତି କେଶବ ଦାସ ଓ ରଙ୍ଗନାଥ ଶ୍ୟାମା)ଙ୍କୁ ଗିରଫ କରିଛି।

ଚିନ୍ମୟ ପ୍ରଭୁଙ୍କ ପାଇଁ ପ୍ରସାଦ ନେଇ ଆସିଥିବା ଦୁଇ ଜଣ ବ୍ରହ୍ମଚାରୀଙ୍କୁ ମନ୍ଦିରକୁ ଫେରିବା ସମୟରେ ଗିରଫ କରାଯାଇଛି ଏବଂ ଚିନ୍ମୟ ପ୍ରଭୁଙ୍କ ସଚିବ ମଧ୍ୟ ନିଖୋଜ ଅଛନ୍ତି। ଦୟାକରି ସେମାନଙ୍କ ପାଇଁ ପ୍ରାର୍ଥନା କରନ୍ତୁ। 

ରାଧାରମଣ ଲେଖିଥିଲେ, ଆଜି ଆଉ ଜଣେ ବ୍ରହ୍ମଚାରୀ ଶ୍ରୀ ଶ୍ୟାମ ଦାସ ପ୍ରଭୁଙ୍କୁ ଛତିଶଗଡ଼ ପୁଲିସ ଗିରଫ କରିଛି। ବାଂଲାଦେଶର ଇସ୍କନର ନିରୀହ ବ୍ରହ୍ମଚାରୀଙ୍କୁ ମୁକ୍ତ କରାଯାଉ। ଇସ୍କନ ବ୍ରହ୍ମଚାରୀଙ୍କ ଗିରଫଦାରୀ ଅତ୍ୟନ୍ତ ଆଶ୍ଚର୍ଯ୍ୟଜନକ ଓ ଦୁଃଖଦାୟକ।

ଆଧ୍ୟାତ୍ମିକ ଗୁରୁ ଚିନ୍ମୟ ଦାସଗିରଫ ହେବାର କିଛି ଦିନ ପରେ ଆଉ ତିନି ଜଣ ଇସ୍କନ ବ୍ରହ୍ମଚାରୀଙ୍କୁ ଗିରଫ କରାଯାଇଥିବା ଖବର ସାମ୍ନାକୁ ଆସିବା ପରେ ସେ ଏଭଳି ମନ୍ତବ୍ୟ ଦେଇଛନ୍ତି। ବାଂଲାଦେଶସ୍ଥିତ ସନାତନୀ ଜାଗରଣଜୋତର ମୁଖପାତ୍ର ଚିନ୍ମୟ ଦାସ ସୋମବାର ଏକ ରାଲିରେ ଯୋଗ ଦେବା ପାଇଁ ଚିଟଗାଙ୍ଗ ଯାଉଥିବା ବେଳେ ଢାକାର ହଜରତ ଶାହଜାଲାଲ ଅନ୍ତର୍ଜାତୀୟ ବିମାନବନ୍ଦରରୁ ତାଙ୍କୁ ଗିରଫ କରାଯାଇଥିଲା। ମଙ୍ଗଳବାର ଚିଟଗୋଙ୍ଗର ଏକ ଅଦାଲତ ତାଙ୍କୁ ଜାମିନ ନାମଞ୍ଜୁର କରି ଜେଲ୍ ପଠାଇ ଦେଇଛନ୍ତି।

ଅଧିକ ପଢ଼ନ୍ତୁ: ୧୦୪ ବର୍ଷୀୟ ବ୍ୟକ୍ତିଙ୍କୁ ଅନ୍ତରୀଣ ଜାମିନ ଦେଲେ ସୁପ୍ରିମକୋର୍ଟ