ନ୍ୟୁୟର୍କ: ନୂଆବର୍ଷରେ ଆମେରିକାରେ ଆତଙ୍କର ହୋଲି । ଆମେରିକାର ନ୍ୟୁ ଓର୍ଲିୟନ୍ସରେ ହୃଦୟ ବିଦାରକ ଘଟଣା ପରେ  ନ୍ୟୁୟର୍କର ଏକ ନାଇଟ୍ କ୍ଲବରେ ଆକ୍ରମଣକାରୀ ୧୧ ଜଣଙ୍କୁ ଗୁଳି ମାରିଛି । ନ୍ୟୁୟର୍କର କ୍ୱିନ୍ସ ଅଜମୁରା ନାଇଟ୍ କ୍ଲବରେ ଜାନୁଆରୀ ୧ ତାରିଖ ରାତି ପ୍ରାୟ ୧୧ଟା ୪୫ରେ ଏହି ଘଟଣା ଘଟିଛି । ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ଗୁଳିମାଡ କରିଥିବା ଦୁଇ ଜଣ ସନ୍ଦିଗ୍ଧ ଫେରାର ଅଛନ୍ତି ।

ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ନ୍ୟୁୟର୍କ ପୋଲିସ  ଘଟଣାସ୍ଥଳରେ ପହଞ୍ଚି ସ୍ଥିତି ନିୟନ୍ତ୍ରଣ କରିବା ସହିତ ସ୍ୱାଟ ଟିମକୁ ମୁତୟନ କରିଛି । ଏହାର ଆଖପାଖ ରାସ୍ତାକୁ ସିଲ୍ କରିବା ସହିତ ସନ୍ଦିଗ୍ଧକୁ ଧରିବା ପାଇଁ ପୋଲିସ ଘର ଘର ଘର ତଲାସି ନେଉଛି । ଅଞ୍ଚଳରେ ଲାଗିଥିବା ସମସ୍ତ ସିସିଟିଭି ଫୁଟେଜକୁ ପୋଲିସ ଯାଞ୍ଚ କରୁଛି । ଗୁରୁତର ଆହତଙ୍କ ଚିକିତ୍ସା ଜାରି ରହିଛି । 

ଏହା ପୂର୍ବରୁ ନ୍ୟୁ ଓର୍ଲିୟନ୍ସରେ ଜଣେ ଆତତାୟୀ ଲୋକଙ୍କ ଉପରେ ଗାଡି ଚଢାଇବା ସହ ଗୁଳିମାଡ କରିବାରୁ ୧୫ ଜଣଙ୍କ ମୃତ୍ୟୁ ଘଟିଛି । ଘଟଣାରେ ୩୦ରୁ ଅଧିକ ଆହତ ହୋଇଛନ୍ତି । ଅପରାଧୀକୁ ପୋଲିସ ନିପାତ କରି କରିôଥିବା ସଦ୍ୟତମ ରିପୋର୍ଟରୁ ପ୍ରକାଶ । ଅପରାଧୀ ଜଣକ ହେଉଛି ୪୨ ବର୍ଷୀୟ ଶମସୁଦ ଦୀନ ଜବାର ।