ପ୍ରଧାନମନ୍ତ୍ରୀଙ୍କ ଫସଲ ବୀମା ଯୋଜନାରୁ ବଞ୍ଚିତ ହେବାରୁ ବାଙ୍କୀରେ ଶତାଧିକ ଚାଷୀ ବାଙ୍କୀ-ତ୍ରିଶୂଳିଆ ରାଜରାସ୍ତାକୁ ଓଲ୍ଲହାଇଛନ୍ତି। ବୀମା ଯୋଜନାରୁ ବଞ୍ଚିତ ଚାଷୀମାନେ ନିଜ ଦାବି ପୂରଣକୁ ନେଇ ଆଜି ସକାଳେ ବାଙ୍କୀ ତମପଡ଼ା ବ୍ଲକ ପାଥପୁର ପଞ୍ଚାୟତ ରାଜରାସ୍ତାରେ ଧାରଣାରେ ବସିଛନ୍ତି। ବାଙ୍କୀ-ତ୍ରିଶୂଳିଆ ରାସ୍ତାର ପାଥପୁୁର ଛକ ନିକଟରେ ରାସ୍ତାରୋକ କରି ଆନ୍ଦୋଳନ କରୁଛନ୍ତି ଶହ ଶହ ଚାଷୀ । ଧାରଣା ପାଇଁ ରାସ୍ତାର ଉଭୟ ପାର୍ଶ୍ୱରେ ଯାନବାହନଗୁଡିକୁ ଅଟକ ରଖାଯାଇଛି। ଯାହା ଫଳରେ ଯାତାୟାତ ବାଧାପ୍ରାପ୍ତ ହୋଇଛି । ଏହି ପଞ୍ଚାୟତର ଚାଷୀମାନେ ବାରମ୍ବାର ବାଙ୍କୀ ଉପଜିଲ୍ଲାପାଳଙ୍କ ନିକଟରେ ଅଭିଯୋଗ କରିଥିଲେ ମଧ୍ୟ ପ୍ରଶାସନ ସେମାନଙ୍କ କଥାକୁ ଶୁଣିନଥିବା ଅଭିଯୋଗ କରିଛନ୍ତି ଚାଷୀ । ଶେଷରେ ବାଧ୍ୟ ହୋଇ ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରିଛନ୍ତି ଚାଷୀମାନେ।