ଆଜି କେନ୍ଦ୍ର ପଠାଇବ ଚାଷୀଙ୍କ ଆକାଉଣ୍ଟକୁ ପିଏମ କିଷାନ ସମ୍ମାନ ନିଧି ଟଙ୍କା । ତେଣୁ ଆଜି କର୍ଣ୍ଣାଟକ ଗସ୍ତରେ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେଠାର ବେଲାଗାଭି ଠାରେ ଦେଶର ଚାଷୀଙ୍କୁ ଭେଟି ଦେବେ ପିଏମ କିଷାନ ସମ୍ମାନ ନିଧି ଟଙ୍କା । ଏହା ଦ୍ୱାରା ୮ କୋଟିରୁ ଅଧିକ ହିତାଧିକାରୀ ଉପକୃତ ହେବେ । ୮ କୋଟିରୁ ଅଧିକ ହିତାଧିକାରୀ କୃଷକମାନଙ୍କୁ ପାଖାପାଖି ୧୬,୮୦୦ କୋଟି ଟଙ୍କା ୧୩ ତମ କିସ୍ତିରେ ପ୍ରଦାନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରତି ଚାଷୀଙ୍କ ଆକାଉଣ୍ଟକୁ ଯିବ ୨ ହଜାର ଟଙ୍କା । ଚାଷୀଭାଇମାନଙ୍କୁ ସଶକ୍ତ କରିବା ପାଇଁ ହିତାଧିକାରୀ କୃଷକମାନଙ୍କୁ ପ୍ରତି ବର୍ଷ ୩ଟି କିସ୍ତିରେ ୬ ହଜାର ଟଙ୍କା ପ୍ରଦାନ କରାଯାଉଛି । ଏପର୍ଯ୍ୟନ୍ତ ୧୧ କୋଟିରୁ ଅଧିକ କୃଷକଙ୍କ ବ୍ୟାଙ୍କ ଆକାଉଣ୍ଟରେ ପ୍ରତ୍ୟକ୍ଷ ଭାବରେ ୨.୨୫ ଲକ୍ଷ କୋଟିରୁ ଅଧିକ ଟଙ୍କା ପ୍ରଦାନ କରାଯାଇଛି ।