ଫାଇଟର ଓ କଳ୍କୀ ୨୮୯୮ AD କୁ ପଛରେ ପକାଇଲା ସ୍ତ୍ରୀ ୨ । ରାଜକୁମାର ରାଓ ଓ ଶ୍ରଦ୍ଧା କପୁରଙ୍କ ଅଭିନୀତ ସ୍ତ୍ରୀ ୨ ଚଳଚ୍ଚିତ୍ର ନୂଆ ନୂଆ ରେକର୍ଡ ସ୍ଥାପନ କରିବା ସହ ବଲିଉଡ଼ର ସର୍ବାଧିକ ଆୟ କରିଥିବା କିଛି ପ୍ରମୁଖ ଚଳଚିତ୍ରକୁ ପଛରେ ପକାଇଛି । ବର୍ତମାନ ଚଳଚ୍ଚିତ୍ର ତାର ପଞ୍ଚମ ଦିବସରେ ୩୭କୋଟି  ରୋଜଗାର କରି ୨୨୮କୋଟି ର ଆୟ କରିସାରିଛି । ଏହା ୨୦୨୪ ର ସର୍ବାଧିକ ଆୟ କରିଥିବା ଚଳଚ୍ଚିତ୍ର ଭାବେ ରେକର୍ଡ କରିଛି । ଏହା ହୃତିକ ରୋଶନଙ୍କ ଫାଇଟର ତଥା ପ୍ରଭାସଙ୍କ କଳ୍କୀ ୨୮୯୮ ADର ସମଗ୍ର ଆୟକୁ ପଛରେ ପକାଇଛି ।

ଏଠାରେ ସୂଚନାଯୋଗ୍ୟ ଆମର କୌଶିକଙ୍କ ନିର୍ଦେଶିତ ସ୍ତ୍ରୀ ୨ ସ୍ୱାଧୀନତା ଦିବସ ପୂର୍ବଦିନ ଅଗଷ୍ଟ  ୧୪  ତାରିଖରେ ବୁଧବାରଦିନ ପ୍ରେକ୍ଷାଳୟକୁ ଆସିଥିଲା । ଏହା ରିଲିଜ ହେବାପରେ ଦର୍ଶକଙ୍କ ମଧ୍ୟରେ ଖୁବ ଆଦୃତତା ଲାଭ କରିଥିଲା । ସ୍ୱାଧୀନତା ଦିବସ ରେ ଏହା ୭୬.୫ କୋଟି ଆୟ କରିଥିବା ବେଳେ ୩୭ କୋଟି ରକ୍ଷାବନ୍ଧନ ଦିନ ଆୟ କରିଥିଲା ।

ରାଜକୁମାର ରାଓ ଓ ଶ୍ରଦ୍ଧା କପୂରଙ୍କ ଯୋଡି ଦର୍ଶକଙ୍କୁ ଖୁବ ହସାଇବା ସହ ଦମଦାର କାହାଣୀ ଓ ବିଶେଷ କଳାକାରଙ୍କ ପରଦାରେ ଆବିର୍ଭାବ ବେଶ ମନୋରଞ୍ଜନର ଖୁରାକ ଯୋଗାଇଥିଲା । ଏହା ୨୦୧୮ ମସିହାରେ ଆସିଥିବା ସ୍ତ୍ରୀ ଚଳଚ୍ଚିତ୍ରର ଦ୍ଵିତୀୟ ଭାଗ ଥିଲା । ଏଥିରେ ରାଜକୁମାତ୍ର ରାଓ, ଶ୍ରଦ୍ଧା କପୂରଙ୍କ ସହିତ ପଙ୍କଜ ତ୍ରିପାଠୀ, ଅଭିଷେକ ବାନାର୍ଜୀ ତଥା ଅପାର ଶକ୍ତି ଖୁରାନା ମୁଖ୍ୟ ଭୂମିକାରେ ଥିଲେ ।