ନିକଟରେ ୬୦୦ କୋଟି ଟଙ୍କାର ରୋଜଗାର କରିବାରେ ପ୍ରଥମ ହିନ୍ଦୀ ସିନେମା ଭାବେ 'ଜୱାନ' ସଫଳ ହୋଇଛି । ଶାହରୁଖ ଖାନ ଏହାର ସ୍ଫଳକୁ ଅନୁଭବ କରୁଥିବା ବେଳେ ବର୍ତ୍ତମାନ ସେ ତାଙ୍କ ଅପକମିଙ୍ଗ ଫିଲ୍ମ ‘ଡଙ୍କି’ କୁ ନେଇ ଚର୍ଚ୍ଚାରେ ଅଛନ୍ତି ।  ନିକଟରେ ଶାହରୁଖ ଏକ ଇଭେଣ୍ଟରେ ‘ଡଙ୍କି’ ର ରିଲିଜ ଡେଟ ଘୋଷଣା କରିଥିଲେ । ଏଥିସହ ତାଙ୍କ ଫିଲ୍ମର ଘୋଷଣା ପାଇଁ ଏକ ଭିଡ଼ିଓ ମଧ୍ୟ ରିଲିଜ କରାଯାଇ ଥିଲା । ଭିଡ଼ିଓ ଟି କୁ ଦେଖିବା ପରେ ଦର୍ଶକଙ୍କୁ ଉତ୍ସାହ ବଢ଼ିବାରେ ଲାଗିଛି ।  ନିକଟରେ ତାଙ୍କ ଫିଲ୍ମର ଅନ୍ୟ ପୋଷ୍ଟର ସାମ୍ନାକୁ ଆସିଛି । ଯେଉଁଥିରେ ସେ ଜଣେ ସର୍ଦାରଙ୍କ ଭୂମିକାରେ ନଜର ଆସିଛନ୍ତି । ମୁଣ୍ଡରେ ପଗଡ଼ି ବାନ୍ଧି ହାତରେ ଗୋଟିଏ ସୁଟକେଶ ଧରି ହେଲିକେପ୍ଟର ର ଡେଣା ଉପରେ ବସିଛନ୍ତି । ଏହା ସହ ଅନ୍ୟ ଏକ ପୋଷ୍ଟର ରେ ସେ ଗୋଟିଏ ସ୍କୁଟି ରେ ଯାଉଥିବାର ଦେଖା ଯାଇଛି । ଏହାସହ ସେହି ପୋଷ୍ଟର ରେ ଲେଖା ଅଛି 'ଲେଟସ୍ ଫ୍ଲାଏ ଟୁ' । ପୋଷ୍ଟର ଦେଖି କାହାଣୀ ବିଷୟରେ ଅଧିକ କିଛି ଜଣା ପଡିନଥିଲେ ମଧ୍ୟ ପୋଷ୍ଟର ଟି ଦର୍ଶକମାନଙ୍କୁ ବେଶ ପସନ୍ଦ ଆସିଛି । 

ତେବେ ଆଗକୁ ନୂଆ ବର୍ଷ ଆସିବାକୁ ଯାଉଛି ଏବଂ କ୍ରିସମାସ୍‌ ମଧ୍ୟ ଅଛି । ସେହି ଅବସରରେ ଶାହରୁଖ ଖାନ ତାଙ୍କ ପ୍ରଶଂସକ ମାନଙ୍କ ପାଇଁ ‘ଡଙ୍କି’ ନେଇ ଆସୁଛନ୍ତି । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱ ତୁଲାଇବେ ରାଜକୁମାର ହିରାନୀ । ଏହି ଫିଲ୍ମରେ ଶାହରୁଖ ଖାନଙ୍କ ସମେତ ତାପସୀ ପନ୍ନୁ , ବୋମନ ଇରାନୀଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ତେବେ ଏହି ବର୍ଷକୁ ଶାହରୁଖ ଖାନଙ୍କ ବର୍ଷ ବୋଲି କୁହାଯାଇପାରିବ । ଚଳିତ ବର୍ଷ 22 ଡିସେମ୍ବର ରେ ଏହି ଫିଲ୍ମଟି ପ୍ରେକ୍ଷାଳୟରେ ରିଲିଜ କରାଯିବ ।