'ଆମେ ତ ପୁରୁଣା ହୋଇଯାଇଛୁ, ଆମକୁ କାହିଁକି ଆଉ ଫିଲ୍ମରେ ନେବେ' ନାନା ପାଟେକରଙ୍କ ଏଭଳି ଏକ ମନ୍ତବ୍ୟ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ନାନା ଦୀର୍ଘ 6 ବର୍ଷ ପରେ ପୁଣିଥରେ ପରଦାକୁ ଫେରୁଛନ୍ତି । ନାନାଙ୍କୁ ଖୁବ ଜଲଦି 'ଦ ଭ୍ୟାକସିନ ୱାର'ରେ ଦେଖା ଯିବ । ଏହାର ଟ୍ରେଲର ମଙ୍ଗଳବାର ରିଲିଜ ହୋଇଛି । ଟ୍ରେଲର ଟି କୁ ଦର୍ଶକଙ୍କର ଭରପୁର ଭଲପାଇବା ମିଳିଥିବା ବେଳେ ନାନା କୁ ନେଇ ଦର୍ଶକଙ୍କ ମନରେ ଅନେକ ପ୍ରଶ୍ନ ମଧ୍ୟ ଉଠୁଛି ।
'ଦ ଭ୍ୟାକସିନ ୱାର'ର ଟ୍ରେଲର ଲଞ୍ଚ ହେବା ପରେ ନାନାଙ୍କର ଏତେ ସମୟ ପରେ ପରଦାକୁ ଫେରିବାକୁ ନେଇ ଏକ ସାକ୍ଷାତ୍କାର ହୋଇଥିଲା । ସେଥିରେ ତାଙ୍କୁ ପ୍ରଶ୍ନ କରାଯାଇଥିଲା ଯେ, ଆପଣ କାହିଁକି ‘ୱେଲକମ୍ ଟୁ ଦି ଜଙ୍ଗଲ’ ରେ କାମ କରିନାହାନ୍ତି ? ଏହାର ପ୍ରତିଉତ୍ତର ରେ ନାନା କହିଥିଲେ, 'ସିନେମା ଇଣ୍ଡଷ୍ଟ୍ରି ମୋ ପାଇଁ କେବେ ବି ବନ୍ଦ ହୋଇ ନାହିଁ । ବାସ କିଛି ଲୋକଙ୍କୁ ଲାଗୁଛି ଆମେ ପୁରୁଣା ହୋଇଯାଇଛୁ । ଆଉ କାମ କରି ପାରିବୁ ନାହିଁ । ଆମକୁ ସିନେମାରେ ନେଲେ ଦର୍ଶକ ଆମକୁ ପସନ୍ଦ କରିବେ କି ନାହିଁ । ତେଣୁ ଆମକୁ ନେଲେ ନାହିଁ ।
ଅପରପକ୍ଷରେ ଆଉ କିଛି ଲୋକଙ୍କୁ ଲାଗିଲା ଯେ ଆମେ କାମ କରିପାରିବୁ ତେଣୁ ସେ ତାଙ୍କ ସିନେମାରେ ଆମକୁ ନେଲେ । ଗୋଟିଏ କଳାକାରକୁ ସବୁବେଳେ କାମ ଦରକାର । କାମ ମିଳିଲେ ଆମେ ମନ ଦେଇ କାମ କରିବୁ । କାରଣ ଗୋଟିଏ ସିନେମା କେବଳ ବଡ କଳାକାରକୁ ନେଇ ନିର୍ମିତ ହୋଇ ନଥାଏ, ସେଥିରେ ଛୋଟବଡ ସମସ୍ତ କଳାକାରଙ୍କ କଠିନ ପରିଶ୍ରମ ଥାଏ । ତେଣୁ ପ୍ରତ୍ୟେକ ଚରିତ୍ର ସେ ଛୋଟ ହେଉ କି ବଡ ତାହାକୁ ନିଖୁଣ ଭାବେ କରିବାକୁ ହେବ । ତେବେ ଯାଇ ସେ ସିନେମା ଟି ସଫଳ ହେବ ବୋଲି ମୁ ଭାବେ । ମୋର ଅନେକ ଦର୍ଶକ ଅଛନ୍ତି । ଯେଉଁମାନେ କି କେବଳ ମୋତେ ନୁହଁ ମୋ ଅଭିନୟକୁ ମଧ୍ୟ ଭଲପାଆନ୍ତି । ସେମାନଙ୍କ ପାଇଁ ମୁ ପୁଣି ପରଦାକୁ ଫେରିଛି । ତେବେ ନାନାଙ୍କର ଅପକମିଙ୍ଗ ଫିଲ୍ମ 'ଦ ଭ୍ୟାକସିନ ୱାର' 28 ସେପ୍ଟେମ୍ବର ରେ ପ୍ରେକ୍ଷାଳୟ ଗୁଡିକରେ ରିଲିଜ କରାଯିବ । ଯାହାକୁ ଦେଖିବା ପାଇଁ ଦର୍ଶକମାନେ ଉତ୍ସାହ ର ସହ ଅପେକ୍ଷା କରିଛନ୍ତି ।
ଅଧିକ ପଢ଼ନ୍ତୁ: 'ଜୱାନ' ପରେ ଆସିବ 'ଜୱାନ ୨'