ଚଳିତ ବର୍ଷ ଲୋକପ୍ରିୟ ବିବାହ ମଧ୍ୟରୁ ରାଘନୀତଙ୍କ ବିବାହ ବେଶ ଚର୍ଚ୍ଚାରେ ରହିଛି । ଏହି ନବ ଦମ୍ପତି ଉଦୟପୁରର ‘ଲୀଲା ପ୍ୟାଲେସ’ ହୋଟେଲରେ ରାଜକୀୟ ଶୈଳୀରେ ବିବାହ କରିଥିଲେ । ଏମିତି ତ ବାହାଘର ପୂର୍ବରୁ ଅନେକ କଳାକାରଙ୍କୁ ପ୍ରି-ୱେଡିଙ୍ଗ ଶୁଟ୍ କରିଥିବାର ଦେଖି ଥାଉ । ହେଲେ ଏହି ଦମ୍ପତି ନିଜ ବାହାଘର ପୂର୍ବରୁ ଦୁଇ ପରିବାର ମଧ୍ୟରେ ଗୋଟିଏ ଫ୍ରେଣ୍ଡଲି ମ୍ୟାଚ କରିଥିଲେ । ତାହାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଭାଇରାଲ୍‌ ଫଟୋ ଓ ଭିଡିଓରେ ‘ଦ ଚୋପ୍ରା ବନାମ ଚଢ଼ା’ ନାମରେ ମ୍ୟାଚ୍‌ ହୋଇଥିବା ଦେଖିବାକୁ ମିଳିଛି । ଉଭୟ ରାଘବ ଓ ପରିନୀତି ନିଜ ସୋସିଆଲ୍‌ ମିଡିଆ ଆକାଉଣ୍ଟ୍‌ରେ ସେହି ଭିଡ଼ିଓ ଏବଂ ଫଟୋଗୁଡ଼ିକୁ ସେୟାର କରିଛନ୍ତି। ଏହି ମ୍ୟାଚ୍‌ରେ ଦୁଇଟି ଟିମ୍ ଦେଖିବାକୁ ମିଳିଛି । 'Bride' ଏବଂ 'Groom' ।

ପରିଣୀତି କମଳା ରଙ୍ଗର ଏକ ଟି-ଶାର୍ଟ ପିନ୍ଧି ଥିବା ବେଳେ ରାଘବ ଗୋଟିଏ ନୀଳ ରଙ୍ଗର ଟି-ଶାର୍ଟ ପିନ୍ଧିବାର ଦେଖା ଯାଇଛି । ସେହି ମ୍ୟାଚ୍‌ରେ ସେମାନେ କ୍ରିକେଟ୍, ଚାମଚ ଦୌଡ ସହ ଆହୁରି ବିଭିନ୍ନ ପ୍ରକାର ର ଖେଳ ଖେଳିଛନ୍ତି । ଖେଳ, ମଜା, ମସ୍ତି, ହସ, ଖୁସି ରେ ଭରା ତାଙ୍କ ଭିଡ଼ିଓଟି ସଭିଙ୍କ ମନକୁ ଛୁଇଁଯାଇଛି। ଶେଷରେ ଟିମ୍ 'Bride' ଏହି ମ୍ୟାଚ୍‌ର ବିଜେତା ହୋଇଥିଲା । ତେବେ ପରିଣୀତି ଏହି ଫଟୋକୁ ସେୟାର କରି ହୋଇଥିବା ମ୍ୟାଚ୍‌ରେ ‘ଦୁଇ ପକ୍ଷ ବିଜୟୀ ହୋଇଛନ୍ତି ଓ ଦୁଇ ପରିବାରଙ୍କ ମନର ମିଳନ ହୋଇଛି’ ବୋଲି ଲେଖିଛନ୍ତି। ତେବେ #ରାଘନିତ ଙ୍କର ଏହି ଅନ୍ଦାଜ ଟି ଦର୍ଶକଙ୍କୁ ବେଶ ପସନ୍ଦ ଆସିଛି । ଦର୍ଶକମାନେ ତାଙ୍କ ଭିଡ଼ିଓକୁ ପସନ୍ଦ କରିବା ସହ ନିଜ ନିଜ ପ୍ରତିକ୍ରିୟା ମଧ୍ୟ ଦେଉଛନ୍ତି ।