ସାଉଥ ସୁପରଷ୍ଟାର ଆଲୁ ଅର୍ଜୁନ କରୋନା ପଜିଟିଭ, ଟ୍ୱିଟ କରି ଦେଲେ ସୂଚନା
Khabar Odisha:Allu-arjun-covid-positive
ମୁମ୍ବାଇ,ଏପ୍ରିଲ 28 (ଖବର ଓଡିଶା)

ଦେଶରେ କରୋନା ସଂକ୍ରମଣ ବଢିଚାଲିଛି । ଅନେକ ସ୍ଥାନରେ ସଟଡାଉନ ଲକଡାଉନ ଭଳି କଟକଣା ଲାଗୁ କରାଗଲାଣି । ତେବେ ଜଣେ ପରେ ଜଣେ ଅଭିନେତା ମଧ୍ୟ କରୋନା ସଂକ୍ରମିତ ହେଉଛନ୍ତି । ଆଜି ସାଉଥ ସୁପରଷ୍ଟାର ଆଲୁ ଅର୍ଜୁନ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏନେଇ ଟ୍ୱିଟ କରି ସେ ନିଜେ ସୂଚନା ଦେଇଛନ୍ତି ।

ଆଲୁ ଅର୍ଜୁନ ଟ୍ୱିଟ କରି ଲେଖିଛନ୍ତି ଯେ, ମୋର କରୋନା ଟେଷ୍ଟ ରିପୋର୍ଟ ପଜିଟିଭ ଆସିଛି । ମୁଁ ନିଜକୁ ଆଇସୋଲେସନରେ କରି ରଖିଛି । ନିକଟରେ ମୋ ସମ୍ପର୍କରେ ଆସିଥିବା ବ୍ୟକ୍ତି କରୋନା ଟେଷ୍ଚ କରିବାକୁ ଅନୁରୋଧ କରୁଛି । ଏହା ସହ ବ୍ୟସ୍ତ ହୁଅନ୍ତୁ ନାହିଁ , ମୋ ସ୍ୱାସ୍ଥ୍ୟାବସ୍ଥା ଠିକ ଅଛି ବୋଲି ଟ୍ୱିଟ କରି ଆଲୁ ଅର୍ଜୁନ ସୂଚନା ଦେଇଛନ୍ତି । ଏହି ସୂଚନା ପାଇବା ପରେ ତାଙ୍କ ଫ୍ୟାନମାନେ ତାଙ୍କ ଆରୋଗ୍ୟ କାମନା କରିଛନ୍ତି ।

ସାଉଥ ସିନେମା ସୁପରଷ୍ଟାର ଆଲୁ ଅର୍ଜୁନ 2003 ମସିହାରେ ଫିଲ୍ମ 'ଗାଙ୍ଗୋଟ୍ରି' ସହିତ ଡେବ୍ୟୁ କରିଥିଲେ ।  ଅର୍ଜୁନ ଫିଲ୍ମଫେୟାର ଏବଂ ନନ୍ଦୀ ପୁରସ୍କାର ପାଇଛନ୍ତି ।  ସେ ବର୍ତ୍ତମାନ ପର୍ଯ୍ୟନ୍ତ ଅନେକ ସୁପରହିଟ୍ ଫିଲ୍ମରେ ଅଭିନୟ କରିଛନ୍ତି ।

  • Tags:

Subscribe

National International State Sports Entertainment