ଫିଲ୍ମ ଜଗତରୁ ଏକ ଅତ୍ୟନ୍ତ ଦୁଃଖଦ ଖବର ସାମ୍ନାକୁ ଆସୁଛି। ଅଭିନେତା ଥତା ପ୍ରସିଦ୍ଧ ଟିଭି ହୋଷ୍ଟ ମନୀଷ ପଲ୍ଙ୍କ ମାଆ ଉର୍ମିଲ୍ ପଲ୍ଙ୍କର ୭୭ ବର୍ଷ ବୟସରେ ନିଧନ ହୋଇଯାଇଛି। ସେ ୮ ଜୁଲାଇ ଦିନ ଦିଲ୍ଲୀରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଏହି ଦୁଃଖଦ ଖବର ମନୀଷ ପଲ୍ଙ୍କ ସହ ତାଙ୍କର ସମସ୍ତ ପ୍ରଶଂସକଙ୍କୁ ବଡ଼ ଝଟକା ଦେଇଛି। ବାସ୍ତବରେ, ଆଜି ମନୀଷ ଯେଉଁ ସଫଳତାର ଶୀର୍ଷରେ ପହଞ୍ଚିଛନ୍ତି, ସେଥିରେ ତାଙ୍କ ମାଆଙ୍କର ସବୁଠାରୁ ବଡ଼ ଅବଦାନ ରହିଥିଲା।

ସୂଚନା ଅନୁଯାୟୀ, ସେ ଦୀର୍ଘ ଦିନ ଧରି ଅସୁସ୍ଥ ଥିଲେ ଏବଂ ଆଜି ସେ ଏହି ଦୁନିଆକୁ ଅଲବିଦା କହିଛନ୍ତି। ମନୀଷ ପଲ୍ ପ୍ରାୟତଃ ବିଶେଷ ସମୟଗୁଡ଼ିକରେ ନିଜ ସଫଳତାର ଶ୍ରେୟ ମାଆଙ୍କୁ ଦେଉଥିବାର ଦେଖାଯାଉଥିଲା। ମନୀଷ ନିଜ ମାଆଙ୍କୁ ନିଜର ପ୍ରେରଣା ବୋଲି ମାନୁଥିଲେ। ତାଙ୍କ ମାଆ ତାଙ୍କୁ ସପୋର୍ଟ କରିବା ପାଇଁ ଏବଂ ତାଙ୍କୁ ଦେଖିବା ପାଇଁ ମନୀଷଙ୍କ ବିଭିନ୍ନ ଶୋ’ ଏବଂ ଇଭେଣ୍ଟକୁ ମଧ୍ୟ ଆସୁଥିଲେ। ହେଲେ ଏବେ ମନୀଷଙ୍କ ମୁଣ୍ଡ ଉପରୁ ମାଆଙ୍କ ସାୟା ଉଠିଯାଇଛି।

ମାଆଙ୍କର ଅତି ପ୍ରିୟ ଥିଲେ ମନୀଷ ପଲ୍

ମନୀଷ ପଲ୍ ନିଜ ମାଆଙ୍କର ଅତି ନିକଟତର ଥିଲେ। ସୋସିଆଲ ମିଡିଆରେ ମଧ୍ୟ ସେ ମାଆଙ୍କ ସହ ପ୍ରାୟତଃ ନିଜର ସୁନ୍ଦର ମୁହୂର୍ତ୍ତଗୁଡ଼ିକର ଫଟୋ ସେୟାର କରୁଥିଲେ। ଏହି ଦୁଃଖଦ ଖବର ସାମ୍ନାକୁ ଆସିବା ପରେ ମନୀଷ ପଲ୍ଙ୍କର ଲକ୍ଷ ଲକ୍ଷ ପ୍ରଶଂସକ ତାଙ୍କ ମାଆଙ୍କ ଆତ୍ମାର ସଦ୍ଗତି ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରୁଛନ୍ତି।

ମନୀଷ ପଲ୍ଙ୍କ ଜନ୍ମ ଦିଲ୍ଲୀର ମାଲବୀୟ ନଗର ଅଞ୍ଚଳରେ ହୋଇଥିଲା। ନିଜର କଠିନ ପରିଶ୍ରମ, ମାଆ ଏବଂ ପରିବାରର ସମର୍ଥନ ଯୋଗୁଁ ସେ ଦିଲ୍ଲୀରୁ ବାହାରି ମାୟାନଗରୀ ମୁମ୍ବାଇରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିଲେ। ସେ ଇଣ୍ଡଷ୍ଟ୍ରିର ଜଣେ ଜଣାଶୁଣା ହୋଷ୍ଟ ଏବଂ ଜଣେ ଚମତ୍କାର ଅଭିନେତା ମଧ୍ୟ। ସାରା ଦେଶରେ ତାଙ୍କର ଲକ୍ଷ ଲକ୍ଷ ଚାହୁଁଥିବା ଲୋକ ଅଛନ୍ତି।

କ୍ୟାରିୟରରେ ମିଳିଥିଲା ମାଆଙ୍କର ସମ୍ପୂର୍ଣ୍ଣ ସହଯୋଗ

ମନୀଷ ବର୍ଷ ୨୦୦୨ରେ ଷ୍ଟାର୍ ପ୍ଲସ୍ର ଶୋ’ 'ସଣ୍ଡେ ଟାଙ୍ଗୋ'ରୁ ଟେଲିଭିଜନ ହୋଷ୍ଟ ଭାବରେ ନିଜର ଡେବ୍ୟୁ କରିଥିଲେ। ଏହାପରେ ବର୍ଷ ୨୦୦୬ରେ ସେ ଷ୍ଟାର୍ ୱାନର ଶୋ’ 'ଘୋଷ୍ଟ ବନା ଦୋସ୍ତ'ରୁ ଅଭିନୟ ଜଗତରେ ପାଦ ଥାପିଥିଲେ। ବର୍ଷ ୨୦୧୩ରେ ସେ ମୁଖ୍ୟ ଅଭିନେତା ଭାବରେ 'ମିକି ଭାଇରସ' ନାମକ ଏକ କମେଡି ଥ୍ରୀଲର ଫିଲ୍ମ ଜରିଆରେ ବଲିଉଡ୍ କ୍ୟାରିୟର ଆରମ୍ଭ କରିଥିଲେ। ବର୍ତ୍ତମାନ ସୁଦ୍ଧା ସେ ଅନେକ ବଡ଼ ବଡ଼ ଫିଲ୍ମର ଅଂଶ ହୋଇସାରିଛନ୍ତି ଏବଂ ଅନେକ ବଡ଼ ଶୋ’ ହୋଷ୍ଟ କରିସାରିଛନ୍ତି। ବଲିଉଡ୍ ଏବଂ ଟିଭି ଜଗତର ବଡ଼ ବଡ଼ ତାରକାମାନଙ୍କ ମଧ୍ୟରେ ତାଙ୍କର ଗଣନା କରାଯାଏ। ତାଙ୍କର ଏହି ସଫଳତାର ଯାତ୍ରାରେ ତାଙ୍କ ମାଆ ତାଙ୍କୁ ସବୁବେଳେ ପ୍ରୋତ୍ସାହିତ କରିଆସିଥିଲେ।