କଟକ: କଟକ ସଦର ଥାନା ଅନ୍ତର୍ଗତ ସୁଭଦ୍ରା ପୁର ଅଞ୍ଚଳରେ ବୋମା ମାଡ଼ ହୋଇଛି । ଗତକାଲି ବିଳମ୍ବିତ ରାତିରେ ଅଜୟ ନାୟକଙ୍କ ଘର ଉପରକୁ କେହି ଦୁର୍ବୃତ୍ତ ବୋମା ମାଡ଼ କରି ଫେରାର ହୋଇଯାଇଛି । ଅଜୟ ଓ ତାଙ୍କ ପରିବାର ଲୋକ ଘର ଭିତରେ ଥିବାବେଳେ ହଠାତ୍ କେହି ଦୁର୍ବୃତ୍ତ ଆସି ତାଙ୍କ ଘର ଭିତରକୁ ବୋମା ଫିଙ୍ଗି ଥିଲା । ଯାହା ଫଳରେ ଜୋରରେ ଶବ୍ଦ ହେବା ସହ ଚାରିଆଡେ଼ ଧୂଆଁ ମୟ ହୋଇଯାଇଥିଲା। ଘର ଲୋକେ ସମସ୍ତେ ବାହାରକୁ ଆସି ଦେଖିବା ପରେ ବୋମା ମାଡ଼ ହୋଇଥିବା ଜଣାପଡ଼ିଥିଲା । ଏ ନେଇ ଅଜୟ ନାୟକ ତୁରନ୍ତ ସଦର ଥାନାକୁ ଖବର ଦେଇଥିଲେ । ସଦର ଥାନା ଆଇଆଇସି ଏବଂ ଜୋନ୍ ୪ ଏସିପି ଅମିତାଭ ମହାପାତ୍ର ଘଟଣାସ୍ଥଳରେ ପହଞ୍ଚି ଯାଞ୍ଚ କରିଛନ୍ତି ।

ତେବେ ଏଥିରେ କାହାର କୌଣସି କ୍ଷତି ହୋଇ ନ ଥିବା କହିଛନ୍ତି ଅଜୟ ନାୟକ । କିଏ  ଓ କାହିଁକି ବୋମା କରିଛି ସେ ନେଇ କିଛି ସ୍ପଷ୍ଟ ହୋଇ ନାହିଁ ।