ନୂଆଦିଲ୍ଲୀ: ଦିଲ୍ଲୀ-ଏନସିଆରରେ ସ୍ୱାମୀ-ସ୍ତ୍ରୀଙ୍କ ଝଗଡ଼ାର ଦୁଃଖଦ ଅନ୍ତ ଘଟିବାର ଏକ ଘଟଣା ସାମ୍ନାକୁ ଆସିଛି, ଯେଉଁଥିରେ ଝଗଡ଼ା ପରେ ପତ୍ନୀ ଘରଠାରୁ ୮ କିଲୋମିଟର ଦୂରରେ ଫାଶୀ ଲଗାଇ ଜୀବନ ହାରିଥିବା ବେଳେ ସ୍ୱାମୀଙ୍କ ମୃତଦେହ ଫ୍ଲାଟରୁ ଉଦ୍ଧାର ହୋଇଛି। ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି। ମୃତକମାନେ ହେଲେ ବିଜୟ ପ୍ରତାପ ଚୌହାନ (୩୨) ଓ ଶିବାନୀ (୨୮)। ଦୁହେଁ ଗାଜିଆବାଦର ଲୋନିରେ ରହୁଥିଲେ।  

ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଶୁକ୍ରବାର ଦିନ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା, ଯାହା ପରେ ଶିବାନୀ ଘରୁ ଚାଲି ଯାଇଥିଲେ। ଏହାପରେ ସେ ନିଜ ଘରଠାରୁ ପ୍ରାୟ ୮ କିଲୋମିଟର ଦୂର ଦିଲ୍ଲୀର ଲୋନି ଛକ ନିକଟରେ ଥିବା ବିଦ୍ୟୁତ ଖୁଣ୍ଟରେ ଫାଶୀ ଲଗାଇ ଜୀବନ ହାରିଥିଲେ। 

ଝୁଲନ୍ତା ସମ୍ପର୍କରେ ସ୍ଥାନୀୟ ପୁଲିସକୁ ଖବର ମିଳିବା ପରେ ଏହି ଘଟଣା ସାମ୍ନାକୁ ଆସିଥିଲା। ପୁଲିସ ଘଟଣାସ୍ଥଳରେ ପହଞ୍ଚିବା ପରେ ଶିବାନୀଙ୍କ ପକେଟରୁ ଏକ ମୋବାଇଲ୍ ଫୋନ୍ ପାଇଥିଲା, ଯାହା ସୁଇଚ୍ ଅଫ୍ ଥିଲା।  ମୋବାଇଲ୍ ଅନ୍ ଥିଲା ଏବଂ ଶିବାନୀଙ୍କ ମୃତ୍ୟୁ ବିଷୟରେ ଜଣାଇବା ପାଇଁ ମହିଳାଙ୍କ ପରିବାର ଲୋକଙ୍କ ସହ ଯୋଗାଯୋଗ କରାଯାଇଥିଲା।  

ପୁଲିସର ପ୍ରାଥମିକ ତଦନ୍ତ ବେଳେ ଶିବାନୀଙ୍କ ସ୍ୱାମୀ ବିଜୟ ପ୍ରତାପ ମଧ୍ୟ ତାଙ୍କ ଘରେ ଜୀବନ ହାରିଥିବା ଜଣାପଡ଼ିଥିଲା। ତେବେ ଏପର୍ଯ୍ୟନ୍ତ କୌଣସି ସୁଇସାଇଡ୍ ନୋଟ୍ ମିଳିନାହିଁ ବୋଲି ପୁଲିସ କହିଛି। କ୍ରାଇମ ଓ ଫୋରେନସିକ୍ ଟିମ୍ ଘଟଣାସ୍ଥଳର ଯାଞ୍ଚ କରିଛନ୍ତି। ମହିଳାଙ୍କ ଶରୀରରେ କୌଣସି କ୍ଷତ ଚିହ୍ନ ନଥିବା ତଦନ୍ତରୁ ଜଣାପଡ଼ିଛି। 

ଅଧିକ ପଢ଼ନ୍ତୁ: ଭାରତ ପଠାଇଥିବା ନିମନ୍ତ୍ରଣକୁ ପ୍ରତ୍ୟାଖ୍ୟାନ କଲେ ୟୁନୁସ୍ ସରକାର