ଭୁବନେଶ୍ୱର: ରାଜଧାନୀ ଭୁବନେଶ୍ୱର ୪  ନଂ ମାଛ ମାର୍କେଟ୍ ରୂପରେଖ ବଦଳିବ । ହଟିବେ ଜବର ଦଖଲ କରି ବସିଥିବା ଅନ୍ୟ ଦୋକାନୀ । ସୁବ୍ୟବସ୍ଥିତ ଢଙ୍ଗରେ ଆମିଷ ବ୍ୟବସାୟ କରିବେ ଦୋକାନୀ । ଏ ନେଇ ଭୁବନେଶ୍ୱର ମହାନଗର ନିଗମ ମେୟର ସୁଲୋଚନା ଦାସ, କମିଶନର ଚଞ୍ଚଳ ରାଣା ସମୀକ୍ଷା କରିବା ପରେ ସୂଚନା ଦେଇଛନ୍ତି । 

ଆଜି ବିଏମସି ମେୟରଙ୍କ ସମେତ ବିଭିନ୍ନ ଅଧିକାରୀ ୪ ନମ୍ବର ମାଛ ମାର୍କେଟ୍ ପରିଦର୍ଶନ କରିଛନ୍ତି । ମାର୍କେଟ୍ ରୂପରେଖ ବଦଳାଇବାକୁ ପ୍ରସ୍ତୁତି ଆରମ୍ଭ ହୋଇଛି । ସୁବ୍ୟବସ୍ଥିତ, ସ୍ୱଚ୍ଛ ଏବଂ ଭିଡ଼ କମାଇବାକୁ ବ୍ୟବସ୍ଥା କରାଯିବ । ମାର୍କେଟ୍ ଆଉ ଅଳିଆ ଆବର୍ଜନା ରହିବ ନାହିଁ  କିମ୍ବା ଅନ୍ୟାନ୍ୟ ଦୋକାନ ଯେପରିକି ଗ୍ୟାରେଜ୍, ଫର୍ଣ୍ଣିଚର, କ୍ଷୀର ଦୋକାନ ଏବଂ ପାନ ଦୋକାନ ଇତ୍ୟାଦି ରହିବ ରହିବ । କେବଳ ଆମିଷ ଦୋକାନୀମାନେ ବ୍ୟବସାୟୀ ସେଠାରେ ବ୍ୟବସାୟ କରିପାରିବେ । ସେଥିପାଇଁ ଜବର ଦଖଲ ଉଚ୍ଛେଦ କରିବାକୁ ଯୋଜନା ପ୍ରସ୍ତୁତ କରାଯାଇଛି । ଏଥିପାଇଁ ପୂର୍ବ ନୋଟିସ୍ ଦିଆଯିବ । ଯେଉଁମାନେ ସ୍ୱତଃପ୍ରତଃ ଜବରଦଖଲ ନ ହଟାଇବେ ବିଏମସି ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । କୌଣସି ଦୋକାନୀ ଦୋକାନ ସାମ୍ନାରେ ଅଳିଆ ପକାଇ ପାରିବେ ନାହିଁ । ଏଥିପାଇଁ ପ୍ରତ୍ୟେକ ଦୋକାନୀମାନଙ୍କୁ ଡଷ୍ଟବିନ୍ ଡବା ଦିଆଯିବ । ସେମାନେ ସେଥିରେ ସେମାନେ ଅଳିଆ ରଖିବେ ଏବଂ ସନ୍ଧ୍ୟାରେ ବିଏମସି ଗାଡ଼ି ଅଳିଆ ସଂଗ୍ରହ କରିବ । ସେହିପରି  ମାଛ ଏବଂ ମାଂସ ଦୋକାନୀ ମାନେ ଖୋଲାରେ ମାଛ ଏବଂ ମାଂସ କାଟିବେ ପାରିବେ ନାହିଁ । ସମସ୍ତେ ଦୋକାନ ସାମ୍ନାରେ ନାଲି କପଡା ଢାଙ୍କି ମାଛ ମାଂସ କାଟିବେ । ସେହିପରି ରାସ୍ତା ଉପରେ ପାର୍କିଂ ହଟାଯିବ । ଏଥିପାଇଁ ଗ୍ରାହକଙ୍କ ପାଇଁ ଏକ ସ୍ୱତନ୍ତ୍ର ପାର୍କିଂ ବ୍ୟବସ୍ଥା ମଧ୍ୟ କରାଯିବ । ଏ ନେଇ ଉଭୟ ମେୟର ଏବଂ କମିଶନର ସୂଚନା ଦେଇଛନ୍ତି ।