ନୂଆଦିଲ୍ଲୀ: ଭାରତ ସଂଚାର ନିଗମ ଲିମିଟେଡ୍‌ (ବିଏସ୍ଏନ୍ଏଲ୍) ପକ୍ଷରୁ ୪ଜି ସେବା ଆରମ୍ଭ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି। ବିଏସ୍ଏନ୍ଏଲ୍ ପକ୍ଷରୁ ୪ଜି ଓ ୫ଜି ବ୍ୟବହାରକାରୀଙ୍କ ପାଇଁ ଏକ ନୂଆ ସିମ୍ ଲଞ୍ଚ କରାଯାଉଛି, ଯାହାକୁ ୟୁଏସ୍ଆଇଏମ୍ କୁହାଯାଉଛି। ପ୍ରଶ୍ନ ଉଠୁଛି ୟୁଏସ୍‌ଆଇଏମ୍‌ ସିମ୍ କ'ଣ ଏବଂ ଏଥିରୁ କ’ଣ ଲାଭ ମିଳିବ? ତେବେ କହିରଖୁଛୁ ଯେ ଜିଓ ଓ ଏୟାରଟେଲ ତୁଳନାରେ ଜିଓ ୪ଜି ଓ ୫ଜିରେ ପଛରେ ରହିବାକୁ ଚାହୁଁନାହିଁ। ଏହି କାରଣରୁ କମ୍ପାନି ଟେକ୍ନୋଲୋଜି ସ୍ତରରେ ନିଜର ଅଗ୍ରଗତି କରୁଛି, ଯେଉଁଥିପାଇଁ ବିଏସଏନଏଲ ୪ଜି ଏବଂ ୫ଜି ଉପଭୋକ୍ତାଙ୍କ ପାଇଁ ୟୁଏସଆଇଏମ କାର୍ଡ ଲଞ୍ଚ କରୁଛି।

ୟୁଏସଆଇଏମକୁ ୟୁନିଭର୍ସାଲ ସବସ୍କ୍ରାଇବର ଆଇଡିଟେଣ୍ଟି ମଡ୍ୟୁଲ୍ କୁହାଯାଏ। ଏହି ସିମ୍ କାର୍ଡରେ ଏକ ଛୋଟ ଚିପ୍ ରହିଛି, ଯାହା ଏହାକୁ ସାଧାରଣ ସିମ୍ କାର୍ଡଠାରୁ ଭିନ୍ନ କରିଥାଏ। ଏହି ସିମ କାର୍ଡ୍ ଉପଭୋକ୍ତାଙ୍କ ସୂଚନା ସଂରକ୍ଷଣ କରିଥାଏ। ଏହା ବ୍ୟତୀତ ଏହା ଅନ୍ୟ ଏକ ସିମ୍ କାର୍ଡ ଭଳି ଦେଖାଯାଉଛି। କିନ୍ତୁ ୟୁସିଆଇଏମ୍ କାର୍ଡକୁ ଅଧିକ ସୁରକ୍ଷିତ ବୋଲି ବିବେଚନା କରାଯାଏ। ଏହି ସିମ୍‌ର ପ୍ରମାଣୀକରଣ ଏବଂ ବୈଧତା ସହଜ ଅଟେ। ଏହି ୟୁଏସ୍‌ଆଇଏମ୍‌କୁ ବିଏସ୍ଏନ୍ଏଲ୍ ପକ୍ଷରୁ ୪ଜି ଓ ୫ଜି ବ୍ୟବହାରକାରୀଙ୍କ ପାଇଁ ଅଣାଯାଉଛି। ଏହାର ସବୁଠାରୁ ବଡ ଫାଇଦା ହେଉଛି ଯଦି ଆପଣ ବିଏସଏନଏଲର ୪ଜି ସିମ୍ କାର୍ଡ କିଣନ୍ତି ତେବେ ଆପଣଙ୍କୁ ବିଏସଏନଏଲର ୫ଜି ସେବା ପାଇଁ ନୂଆ ସିମ୍ କାର୍ଡ ପାଇବାକୁ ପଡ଼ିବ ନାହିଁ। ଅର୍ଥାତ୍ ଏହି ସିମ୍ କାର୍ଡ ଉଭୟ ୪ଜି ଏବଂ ୫ଜି ନେଟୱାର୍କ ସହିତ ସୁସଙ୍ଗତ ହେବ।

ରିପୋର୍ଟ ଅନୁଯାୟୀ, ୨୦୨୫ ମାର୍ଚ୍ଚ ସୁଦ୍ଧା ୪ଜି ସେବା ଆରମ୍ଭ ହୋଇପାରେ। ଏଥିସହ ଆସନ୍ତା ୬ରୁ ୮ ମାସ ମଧ୍ୟରେ ସାରା ଦେଶରେ ୪ଜି ସେବା ଆରମ୍ଭ ହୋଇପାରେ। ମାର୍ଚ୍ଚ ୨୦୨୫ ପାଇଁ ଏହାର ଲକ୍ଷ୍ୟ ଧାର୍ଯ୍ୟ କରାଯାଇଛି। ୨୦୨୫ ଶେଷ ସୁଦ୍ଧା ବିଏସଏନଏଲ ୫ଜି ସେବା ଆରମ୍ଭ ହୋଇପାରେ । ଶସ୍ତା ଡାଟା ଏବଂ ବିଏନଏସଏଲର କଲିଂ ସାହାଯ୍ୟରେ ଗ୍ରାମୀଣ ଭାରତରେ ଡିଜିଟାଲ ବ୍ୟବଧାନକୁ ପୂରଣ କରାଯାଇପାରିବ ବୋଲି ବିଶ୍ୱାସ କରାଯାଉଛି । ଏହା ପ୍ରଧାନମନ୍ତ୍ରୀ ମୋଦୀଙ୍କ ଆତ୍ମନିର୍ଭର ଭାରତ ଦିଗରେ ଏକ ପଦକ୍ଷେପ ହେବ।

ଅକ୍ଟୋବର ୧୫ରେ ବିଏସଏନଏଲର ୪ଜି ସେବାର ଶୁଭାରମ୍ଭ ଘୋଷଣା ହୋଇପାରେ। ଏହି ଦିନ ଏହାର ଆନୁଷ୍ଠାନିକ ଘୋଷଣା ହୋଇପାରେ। ବିଏସ୍ଏନ୍ଏଲ୍ ଏପର୍ଯ୍ୟନ୍ତ ପ୍ରାୟ ୨୫,୦୦୦ ସାଇଟ୍ ସ୍ଥାପନ କରିଛି। ଏଥିରେ ଟିସିଏସ୍ ଓ ତେଜସ୍ ଭଳି କମ୍ପାନିର ସହାୟତା ନିଆଯାଉଛି। ବିଏସଏନଏଲର ନେଟୱାର୍କ ସମ୍ପୂର୍ଣ୍ଣ ସ୍ୱଦେଶୀ ହେବ। ଏଥିସହ କମ୍ପାନି ୪ଜି ସିମ୍ ବଣ୍ଟନ ଆରମ୍ଭ କରିଛି। ଭଲ କଥା ହେଉଛି କମ୍ପାନୀର ୪ଜି ସିମ୍ କାର୍ଡକୁ ୫ଜିକୁ ଅପଗ୍ରେଡ୍ କରିବା ପାଇଁ ସିମ୍ ବଦଳାଇବାର ଆବଶ୍ୟକତା ପଡ଼ିବ ନାହିଁ।

ଅଧିକ ପଢ଼ନ୍ତୁ: ବଜାରକୁ ଆସିଲା OLA ମଡେଲର ଇଲେକ୍ଟ୍ରିକ ବାଇକ