ଭୁବନେଶ୍ୱର : ବିମାନବନ୍ଦରରୁ ଜବତ ହେଲା ନିଶାଦ୍ରବ୍ୟ । ଭୁବନେଶ୍ୱର ବିମାନ ବନ୍ଦରରୁ ଜବତ ହୋଇଛି ୪କୋଟି ଟଙ୍କାର ନିଶାଦ୍ରବ୍ୟ । କଷ୍ଟମ ବିଭାଗ ଓ ଡିଆର୍ଆଇ ଟିମ୍ ଏହି ନିଶା ସାମଗ୍ରୀକୁ ଧରିଛି ।
ସୂଚନା ଅନୁଯାୟୀ, ଭୁବନେଶ୍ବର ଏୟାରପୋର୍ଟରୁ ଧରା ହୋଇଛନ୍ତି ୪ କୋଟିର ଦାମୀ ନିଶାଦ୍ରବ୍ୟ । ଏହି ନିଶା ଦ୍ରବ୍ୟ ବ୍ୟାଙ୍କକ୍ ରୁ ଆସିଥିବା ସୂଚନା ମିଳିଛି । ସୂତ୍ରରୁ ଖବର ପାଇ ଏୟାରପୋର୍ଟରୁ ଧରିଛି କଷ୍ଟମ ବିଭାଗ । ନିଶାଦ୍ରବ୍ୟକୁ ଖାଦ୍ୟ ପୁଡିଆ ଭିତରେ ଆଣୁଥିବା ସୂଚନା ମିଳିଛି ।
ତେବେ ଏହି ନିଶାଦ୍ରବ୍ୟ ଚୋରା କାରବାରରେ ଜଣେ ଭାରତୀୟ ନାଗରିକ ମଧ୍ୟ ଗିରଫ ହୋଇଛନ୍ତି । ଗିରଫ ବ୍ୟକ୍ତିଙ୍କ ଘର କେରଳ ବୋଲି ସୂଚନା ମିଳିଛି । ନିଶା କାରବାର ପାଇଁ ଧରାପଡ଼ିଥିବା ବ୍ୟକ୍ତି କମିଶନ ନେଇ ଚାଲାଣ କରୁଥିଲେ ବୋଲି ସୂଚନା ଦେଇଛନ୍ତି ଡ଼ିଆରଆଇ। ଏହି ଘଟଣା ଆଉ କିଏ କିଏ ସାମିଲ ଅଛନ୍ତି ସେନେଇ ମଧ୍ୟ ଛାନ୍ଭିନ୍ ଜାରି ରହିଛି ।