କୋରାପୁଟ ଜିଲ୍ଲା ଡୁଡୁମା ଜଳପ୍ରପାତ ନିକଟରେ ଏକ ଅଘଟଣ ଘଟିଯାଇଛି । ଭାରମାମ୍ୟ ହରାଇ ୧୫୦ ଫୁଟ ତଳକୁ ଏକ ଜିପ ଖସି ପଡିଛି । ଫଳରେ ଗାଡିରେ ଥିବା ଦୁଇ ଜଣ ବ୍ୟକ୍ତି ଗୁରୁତର ଆହତ ହୋଇଛନ୍ତି । ଆହତ ଦୁଇ ଜଣ ପରଜିତ ସାହୁ ଓ ସୁନେନ୍ଦୁ ସାହୁ ବୋଲି ଜଣାପଡିଛି । 

ସୂଚନା ଅନୁସାରେ , ପରଜିତ ଓ ସୁନନ୍ଦ ଦୁଇ ଜଣ ଡୁଡୁମା ଜଳପ୍ରପାତ ବୁଲିବାକୁ ଯାଇଥିଲେ । ଏହି ସମୟରେ ଯିଏ ଗାଡି ଚଲାଉଥିଲେ ତାଙ୍କର ଆଖି ଲାଗିଯାଇଥିଲା । ଫଳରେ ଭାରସାମ୍ୟ ହରାଇ ଗାଡିଟି ୧୫୦ ଫୁଟ ତଳକୁ ଖସି ଯାଇଥିଲା । ଯେଉଁଥିରେ ଦୁଇଜଣ ବ୍ୟକ୍ତି ଗୁରୁତର ଆହତ ହୋଇଥିବା ବେଳେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ନିକଟରେ ଥିବା ଅନକାଡେଲି ଡାକ୍ତରଖାନାକୁ ନେଇଥିଲେ । ପରେ ଉଭୟଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଜୟପୁରକୁ ସ୍ଥାନାନ୍ତର କରାଯାଇଛି ।