ବାରିପଦା: ଶିମିଳପାଳରେ କଳା ବାଘର ମୃତ୍ୟୁ ଘଟଣା ହଇଚଇ ସୃଷ୍ଟି କରିଥିଲା। କିଏ ଓ କାହିଁକି କଳା ବାଘକୁ ହତ୍ୟା କରିଛି ତାକୁ ନେଇ କଥା ଜୋର ଧରିଥିବାବେଳେ ଏହି ଘଟଣାରେ ଅଭିଯୋଗକୁ ଆଧାର କରି ୪ ଜଣ ଶିକାରୀକୁ ଗିରଫ କରିଛି । ସେମାନଙ୍କ ପାଖରୁ ବାଘ ଚମଡା ସହ ନଖ ଜବତ କରାଯାଇଛି। ବନବିଭାଗ ଏହି ଘଟଣାର ତଦନ୍ତ କରୁଛି । 

ସୂଚନା ଅନୁସାରେ, ଶିମିଳପାଳରେ କଳା ବାଘକୁ ମାରିବା ଅଭିଯୋଗକୁ ଭିତ୍ତି କରି ୪ ଜଣ ଶିକାରୀଙ୍କୁ ମୟୁରଭଞ୍ଜର ତେନ୍ତୁଲା ଓ ବାଲିଘାଟ ଗ୍ରାମରୁ ଗିରଫ କରାଯାଇଛି। ଗିରଫ ଶିକାରୀମାନଙ୍କ ପରିଚୟ ମଧ୍ୟ ମିଳିଛି। ସେମାନଙ୍କ ପାଖରୁ ବାଘ ଚମଡା ସହ ନଖ ଜବତ କରାଯାଇଛି। ଯାହା ଏହି ଘଟଣାକୁ ସନ୍ଦେହ ଘେରରକୁ ନେଇଛି। ବନବିଭାଗ ପକ୍ଷରୁ ସେମାନଙ୍କୁ ଗିରଫ କରି ଘଟଣାର ତଦନ୍ତ ଜାରି କରାଯାଇଛି। ଏହି ଘଟଣାରେ ଆଉ କିଏ ସମ୍ପୃକ୍ତ ଅଛନ୍ତି ତାହା ତଦନ୍ତ ପରେ ଜଣାପଡିବ ବୋଲି ସୂଚନା ମିଳିଛି ।