ଗଞ୍ଜାମରେ ୧୭୨ ଡାକ୍ତର ପଦ ଖାଲି: ବିଗିଡ଼ିଛି ସ୍ୱାସ୍ଥ୍ୟ ସେବା
Khabar Odisha:Ganjam-172-vacancy-in-Medical
ବ୍ରହ୍ମପୁର, ମେ ୧୫(ଖବର ଓଡ଼ିଶା): ବଡ଼ ମେଡ଼ିକାଲକୁ ବାଦ୍ ଦେଲେ ଗଞ୍ଜାମ ଜିଲ୍ଲାରେ ୩୨୮ ଜଣ ଡାକ୍ତର ନିଯୁକ୍ତି ପାଇବାର ପ୍ରାବଧାନ ରହିଛି, ହେଲେ ଦୁଃଖର କଥା ବର୍ଷ ବର୍ଷ ଧରି ଖାଲି ପଡ଼ିଛି ୧୭୨ଟି ଡାକ୍ତରୀପଦ ।
 
ଜିଲ୍ଲାରେ ଗତ ଏକ ବର୍ଷ ମଧ୍ୟରେ ୨୦୧୬ ଏପ୍ରିଲରୁ ୨୦୧୭ ମାର୍ଚ୍ଚ ମଧ୍ୟରେ ୫୦ ଜଣ ମାଙ୍କ ମୃତ୍ୟୁ ଘଟିଛି ଏବଂ  ଜନ୍ମଠାରୁ ୫ବର୍ଷ ବୟସର ୩୫୬ଜଣ ଶିଶୁଙ୍କ ଜୀବନ ଯାଇଛି ।
 
କେବଳ ପଦବୀ ଖାଲି ପଡ଼ିବାରୁ ଯେ ଏଭଳି ହୋଇଛି ତାହା ନୁହେଁ ଜିଲ୍ଲାର ଅନେକ ସ୍ୱାସ୍ଥ୍ୟକେନ୍ଦ୍ର, ଉପକେନ୍ଦ୍ରରେ ଡାକ୍ତରଙ୍କ ଲମ୍ବା ଅନୁପସ୍ଥିତି ଜିଲ୍ଲାର ସ୍ୱାସ୍ଥ୍ୟସେବାକୁ ବିଗାଡ଼ି ଦେବାରେ ଲାଗିଛି । ଛତ୍ରପୁର ମ୍ୟୁନିସିପେଣ୍ଠରେ ସ୍ତ୍ରୀ ଓ ପ୍ରସୂତୀ ରୋଗ ବିଶେଷଜ୍ଞ ନଥିବାରୁ ଅତୀତରେ ଗର୍ଭବତୀ ଏଠାରେ ପ୍ରାଣ ହରାଇଛନ୍ତି । ଢୁଙ୍କାପଡ଼ା,ପାଟପୁର ପରି ଅନେକ ସ୍ୱାସ୍ଥ୍ୟ କେନ୍ଦ୍ରରେ ଡାକ୍ତର ନାହାନ୍ତି ।
 
ଜିଲ୍ଲାରେ ଗୋଟିଏ ଜିଲ୍ଲା ହସ୍ପିଟାଲ, ୩୦ଟି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର, ୮୯ଟି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର, ୪୬୦ଟି ଉପସ୍ୱାସ୍ଥ୍ୟକେନ୍ଦ୍ର ଗୋଟିଏ ଆୟୁବୈଦିକ ହସ୍ପିଟାଲ, ୧୩ଟି ଆୟୁବୈଦିକ ଡିସ୍ପେନ୍ସାରି, ଗୋଟିଏ ହୋମିଓପାଥିକ ହସ୍ପିଟାଲ ଓ ୧୯ଟି ଡିସ୍ପେନସରି ରହିଛି । କିନ୍ତୁ ଗଞ୍ଜାମର ରୋଗୀମାନେ ଗାଁ ସ୍ତରରେ କ୍ୱାକ୍ ଓ ନଗରାଂଚଳର ରୋଗୀ ଦଲାଲଙ୍କ ପ୍ରଲୋଭନରେ ଘରୋଇ ଚିକିତ୍ସାଳୟ ମୁହାଁ ହେଉଥିବା ଦେଖାଯାଇଛି । ଜିଲ୍ଲାର ଗ୍ରାମାଂଚଳ ଗୁଡ଼ିକରେ ଔଷଧ ଦୋକାନୀ ଓ କ୍ୱାକ୍ମାନେ ସ୍ୱାସ୍ଥ୍ୟସେବାର ଠିକା ନେଇଥିବା ଜଣାଯାଇଛି । ସରକାରୀ ସ୍କୁଲ ଭଳି ସରକାରୀ ସ୍ୱାସ୍ଥ୍ୟ ଅନୁଷ୍ଠାନ ଗୁଡ଼ିକର ହାଲତ ଖରାପ ଥିବା ଜଣାଯାଇଛି ।
  • Tags:

Subscribe

National International State Sports Entertainment