ଏଚଆଇଭି ପୋଜିଟିଭ ୮ ହଜାର ଏଡସ ପୀଡ଼ିତଙ୍କ ସନ୍ଧାନ ଜାରି
Khabar Odisha:Mumbai-hunts-for-its-8k-hiv-positive-patients

ମୁମ୍ବାଇ,ମେ୧୪(ଖବର ଓଡ଼ିଶା): କେନ୍ଦ୍ରୀୟ ସ୍ଵାସ୍ଥ୍ୟ ମନ୍ତ୍ରାଳୟ ଦ୍ଵାରା ୫ ମେରେ ଜାରି ନିର୍ଦ୍ଦେଶାନାମା ଅନୁସାରେ ଜିଲ୍ଲା ଏଡସ ନିୟନ୍ତ୍ରଣ ସୋସାଇଟି ଏବେ ୮ ହଜାର ଏଚଆଇଭି ଏଡ଼ସ ରୋଗୀଙ୍କ ସନ୍ଧାନରେ ରହିଛି। ନିର୍ଦ୍ଦେଶନାମାରେ କୁହାଯାଇଛି ଯେ ଏଚଆଇଢ଼ି ପଜିଟିଭ୍ ରୋଗୀଙ୍କୁ ଏଣ୍ଟିରଟ୍ରୋଭାଇରାଲ ଥେରାପୀ(ଏଆରଟି) ଦ୍ଵାରା ଚିକିତ୍ସା କରାଯିବା ଉଚିତ୍।

ଦ ନ୍ୟାସନାଲ ଏଡ଼ସ କଣ୍ଟ୍ରୋଲ ଅର୍ଗାନାଇଜେସନ(ନାକୋ) ଦ୍ଵାରା ପୂର୍ବେ ଏହି ଥେରାପି ଜରିଆରେ  କେବଳ ସେହି ରୋଗୀମାନଙ୍କୁ ଚିକିତ୍ସା କରାଯାଇଛି, ଯାହାଙ୍କର ରକ୍ତରେ ରହିଥିବା ଧଳା ରକ୍ତ କୋଷିକାର ମାନକକୁ ୩ ମାସ ଅନ୍ତରାଳେ ପରୀକ୍ଷଣ କରାଯାଇଥାଏ। ପରୀକ୍ଷଣ ସମୟରେ ଯେଉଁ ରୋଗୀଙ୍କର ମାନକ ୩୫୦ ସେଲ ମିଲିମିଟର କ୍ୟୁବରୁ କମ୍ ହୋଇଥାଏ, ସେମାନଙ୍କୁ ଏଣ୍ଟିରଟ୍ରୋଭାଇରାଲ ଥେରାପୀ(ଏଆରଟି) ଦ୍ଵାରା ଚିକିତ୍ସା  କରାଯାଇଥାଏ।

ନୂତନ ନୀତି ଟେଷ୍ଟ ଏଣ୍ଡ ଟ୍ରିଟଆଧାରରେ ସ୍ଵାସ୍ଥ୍ୟ ମନ୍ତ୍ରାଳୟ ଦ୍ଵାରା ଜାରି ଗାଇଡ଼ଲାଇନକୁ ପୁରା କରିବା ପାଇଁ ଏବେ ସେହି ଏଚଆଇଭି ପୋଜିଟିଭ ରୋଗୀଙ୍କ ସନ୍ଧାନ ଜାରି ରହିଛି। ବର୍ତ୍ତମାନ ମୁମ୍ବାଇରେ ୩୩ ହଜାର ଏଚଆଇଭି ପୋଜିଟିଭ ଲୋକଙ୍କ ଏଣ୍ଟିରଟ୍ରୋଭାଇରାଲ ଥେରାପୀ ଚିକିତ୍ସା କରାଯାଉଛି। ଏହି ବିଷୟରେ ଏମଡିଏସିଏସର ଅତିରିକ୍ତ ପ୍ରକଳ୍ପ ନିର୍ଦ୍ଦେଶକ ଡଃ ଶ୍ରୀକଳା ଆଚାର୍ୟ୍ୟ କହିଛନ୍ତି ଯେ ଏହି ଧରଣର ରୋଗୀଙ୍କ ସୂଚନା ଏକତ୍ର କରିବାକୁ ସମସ୍ତ କାଉଂସେଲିଂ ସେଣ୍ଟର ଓ ପରୀକ୍ଷଣ କେନ୍ଦ୍ରକୁ ନିର୍ଦ୍ଦେଶ ଦିଆଯାଇଛି। ସେ କହିଛନ୍ତି ଏହି କାମ ଏତେ ସହଜ ନୁହେଁ। ଏହି ରୋଗୀଙ୍କ ସନ୍ଧାନ କରିବା ସହ ସେମାନଙ୍କ ସିଡି-୪ କାଉଣ୍ଟ କରିବାକୁ ପଡ଼ିବ ବୋଲି ଆଚାର୍ୟ୍ୟ କହିଛନ୍ତି।

 

  • Tags:

Subscribe

National International State Sports Entertainment