ଢେଙ୍କାନାଳ: ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଡିହଡୋଳ ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି । ରେଳ ଧାରାଣା ପାର ହେଉଥିବାବେଳେ ଟ୍ରେନରେ କଟି ଜଣେ ଯୁବକଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ମୃତ ଯବକ ଜଣକ ହେଲେ ଡିହଡୋଳ ଗାଁର ଟୁକୁନ ସାହୁ । 

ଗତ କାଲି ସନ୍ଧ୍ୟାରେ ଟୁକୁନ ମାର୍କେଟ ଯିବାକୁ କହି ଘରୁ ବାହାରିକି ଯାଇଥିଲେ । ମାତ୍ର ଆଉ ସେ ଘରକୁ ଫେରି ନ ଥିଲେ । ଆଜି ସକାଳେ ଅନୁଗୁଳ-ଡୁବୁରୀ ନୂତନ ରେଳପଥର ପରଜଙ୍ଗ ରେଳ ଷ୍ଟେସନ ନିକଟସ୍ଥ ରେଳ ଧାରଣ ଉପରେ ଜଣେ ଯୁବକଙ୍କ ମୃତ ଦେହ ପଡ଼ିଥିବା ନେଇ ସ୍ଥାନୀୟ ଲୋକେ ଦେଖିଥିଲେ । ଏ ନେଇ ପରଜଙ୍ଗ ପୋଲିସକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଁଚି ମୃତ ଦେହକୁ ଜବତ କରିଛି । ଟ୍ରେନରେ କଟି ତାଙ୍କର ଗଣ୍ଡିରୁ ମୁଣ୍ଡ ସମ୍ପୂର୍ଣ୍ଣ ଅଲଗା ହୋଇ ଯାଇଥିବା ଦେଖିବାକୁ ମିଳିଛି । ମୃତ ଯୁବକ ଜଣକ ଡିହଡୋଳ ଗାଁର ଟୁକୁନ ସାହୁ ବୋଲି ଚିହ୍ନଟ କରାଯାଇଛି । 

ତେବେ ଟୁକୁନଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି । ପ୍ରାଥମିକ ତଦନ୍ତରୁ ଏହା ଦୁର୍ଘଟଣା ବୋଲି ସନ୍ଦେହ କରାଯାଉଛି । ପରଜଙ୍ଗ ପୋଲିସ ସାଇଣ୍ଟିଫିକ୍ ଟିମ୍ ସହିତ ତଦନ୍ତ ଆରମ୍ଭ କରିଛି ।