ଭୁବନେଶ୍ଵର: ରାଜଧାନୀ ଭୁବନେଶ୍ଵରର ମୈତ୍ରୀ ବିହାର ଥାନା ଅଞ୍ଚଳରୁ ଅପହୃତ ଯୁବତୀଙ୍କୁ ଉଦ୍ଧାର କରିଛି ପୋଲିସ । ଯୁବତୀଙ୍କୁ ବରମୁଣ୍ଡା ଅଞ୍ଚଳରୁ ଉଦ୍ଧାର କରାଯାଇଥିବା ନେଇ କମିଶନରେଟ୍ ପୋଲିସ ପକ୍ଷରୁ ସୂଚନା ଦିଆଯାଇଛି । ଉଦ୍ଧାର ଯୁବତୀଙ୍କୁ ଏବେ ମୈତ୍ରୀ ବିହାର ଥାନାରେ ପଚରାଉଚରା କରାଯାଉଛି ।

ନିଳାଦ୍ରୀ ବିହାର ଅଞ୍ଚଳର ଆଶିଷ ସିଂହ ଗତକାଲି ବିଳମ୍ବିତ ରାତି ପ୍ରାୟ ୧.୩୦ ସମୟରେ ଲୁମ୍ବିନି ବିହାର ଅଞ୍ଚଳରେ ଏକ ଦୁଇ ଚକିଆ ଗାଡ଼ିରେ ଯାଉଥିଲେ । ଉତ୍କଳ ହସ୍ପିଟାଲରୁ ଜାଭିୟର ରୋଡରେ ଯାଉଥିବାବେଳେ ୪ ଜଣ ଦୁର୍ବୃତ୍ତ ଏକ ଧଳା ସୁଇପ୍ଟ ଗାଡ଼ିରେ ଆସିଥିଲେ । ଆଶିଷ ସିଂହଙ୍କୁ ଛୁରୀରେ ଆକ୍ରମଣ କରିଥିଲେ । ଏହା ପରେ ତାଙ୍କ ବାନ୍ଧବୀଙ୍କୁ ଅପହରଣ କରି ନେଇ ଫେରାର ହୋଇଯାଇଥିଲେ । 

ଅପହରଣକାରୀଙ୍କ ଆକ୍ରମଣରେ ଯୁବକ ମଧ୍ୟ ଆହତ ହୋଇଛନ୍ତି । ତାଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି । ଏ ନେଇ ମୈତ୍ରୀ ବିହାର ଥାନାରେ ଅଭିଯୋଗ ହୋଇଛି । ଯୁବକ ଜଣକ ଅପହରଣକାରୀଙ୍କୁ ଚିହ୍ନି ନ ଥିବା କହିଥିଲେ ।