ଗଜପତି: ମଞ୍ଚରେ ନାଚିଲେ ଜିଲ୍ଲାପାଳ ଓ ଏସପିଙ୍କ ସମତେ ବହୁ ସରକାରୀ ଅଧିକାରୀ । ଗଜପତି ଜିଲ୍ଲା ପାରଳାଖେମୁଣ୍ଡି ଠାରେ ଜିଲ୍ଲାସ୍ତରୀୟ ଗଜପତି ଉତ୍ସବ ଚାଲିଥିବା ବେଳେ ମଞ୍ଚରେ ଉପସ୍ଥିତି ଅତିଥୀ ମାନେ ନାଚିଥିଲେ । କଳାକାରଙ୍କ ସହ ପାଦରେ ପାଦ ମିଶାଇ ସେମାନେ ନାଚୁଥିବାର ଦେଖିବାକୁ ମିଳିଛି । ଏହି ଉତ୍ସବରେ ମୁଖ୍ୟ ଅତିଥୀ ଭାବେ ଯୋଗ ଦେଇଥିଲେ ଗଜପତି ଜିଲ୍ଲାପାଳ ବିଜୟ କୁମାର ଦାଶ । ସେହିପରି ଆରକ୍ଷୀ ଅଧିକ୍ଷକ ଜତୀନ୍ଦ୍ର କୁମାର ପଣ୍ଡା, ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀଙ୍କ ଜିଲ୍ଲା ପରିଷଦ ସଭ୍ୟ ଓ ବିଭିନ୍ନ ଅଧିକାରୀ ମାନେ ଏଥିରେ ସାମିଲ ହୋଇଥିଲେ । ଏହି ଅବସରରେ ଜିଲ୍ଲାର ଓସିଏସ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀମାନଙ୍କୁ ସମ୍ବର୍ଦ୍ଧନା କରାଯାଇଥିଲା। ପରେ ବିଭିନ୍ନ ଜିଲ୍ଲାରୁ ଆସିଥିବା କଳାକାର ମାନେ ମଞ୍ଚ ଉପରେ ନିଜ କଳା ପରିବେଷଣ କରିଥିଲେ। ଶିତୁଆ ରାତିରେ କଳାକାରଙ୍କ ରଙ୍ଗାରଙ୍ଗ କାର୍ଯ୍ୟକ୍ରମ ଦର୍ଶକଙ୍କ ମନରେ ଉଷ୍ମତା ଭରିଥିଲା । ଏତିକି ବେଳେ କାରକାରମାନେ ମଞ୍ଚ ତଳେ ବସି କାର୍ଯ୍ୟକ୍ରମ ଦେଖୁଥିବା ଜିଲ୍ଲାପାଳ ଓ ଏସପିଙ୍କୁ ହାତଧରି ମଞ୍ଚ ଉପରକୁ ନେଇଯାଇଥିଲେ । କଳାକାରଙ୍କ ସହ ପାଦରେ ପାଚ ମିଶାଇ ନାଚିଥିଲେ ଜିଲ୍ଲାପାଳ ଏସପିଙ୍କ ସମେତ ବହୁ ବରିଷ୍ଠ ଅଧିକାରୀ ।