ମୋବାଇଲ ନେଇଗଲା ଜଣଙ୍କ ଜୀବନ । ଏଠି କଥା କଥାକେ କାହା ଜୀବନ ଚାଲିଯାଉଛି ତ ସାମାନ୍ୟ ମୋବାଇଲ ପାଇଁ କିଏ କାହା ଜୀବନ ନେଲାଣି । ମୋବାଇଲ ପାଇଁ ଯୁବକଙ୍କୁ ପିଟି ପିଟି ହତ୍ୟା କରାଯାଇଛି । ଏଭଳି ଅଭାବନୀୟ ଘଟଣା ଘଟିଛି  ଭଦ୍ରକ ଜିଲ୍ଲା ମତୋ ଫାଣ୍ଡି ଅଧିନସ୍ଥ ମାଧପୁର ଅଞ୍ଚଳର । ମୃତ ଯୁବକ ହେଲେ ଅଣଖାସାହିର ଶୁକାନ୍ତ ଦାସ ।

ଘଟଣା ହେଉଛି ମୃତ ଯୁବକ ଶୁକାନ୍ତ ଦାସ ସେହି ଗାଁର ଜୟଦେବ ଦାସଙ୍କ ମୋବାଇଲ ଭାଙ୍ଗିଦେଇଥିଲେ । ଯାହାକୁ ନେଇ ଦୁଇଜଣଙ୍କ ମଧ୍ୟରେ ଝଗଡା ହୋଇଥିଲା ଏବଂ ସୁକାନ୍ତ ମୋବାଇଲ ବାବଦରେ ଟଙ୍କା ଦେଉନଥିଲେ। ଏହି ଘଟଣା ପାଇଁ ଜୟଦେବ କାଠଫାଳିଆରେ ସୁକାନ୍ତଙ୍କୁ ନିର୍ମମ ଭାବେ ମାଡ ମାରିବା ସହ ଜୀବନରୁ ମାରି ଦେଇଛନ୍ତି । ମାରିବା ପରେ ହତ୍ୟାକୁ ଲୁଚାଇବା ପାଇଁ ନଟିଆ ଜୋରରେ ପିଙ୍ଗି ଦେଇଥିଲା ଦୁର୍ବୁତ୍ତ ।

ଘଟଣା ଘଟିଥିଲା ଗତ ୧୩ ତାରିଖରେ ଏବଂ ଏହା ପରେ ଶୁକାନ୍ତ ଘରକୁ ଫେରିନଥିଲେ।  ୧୫ତାରିଖ ସକାଳୁ ସକାଳୁ ଗାଁ ପାଖ ନଟିଆ ଜୋରରେ ଶୁକାନ୍ତଙ୍କ ମୃତଦେହକୁ କ୍ଷତ ବିକ୍ଷତ ଅବସ୍ଥାରେ ପୋଲିସ ଉଦ୍ଧାର କରିଛି । ସାମାନ୍ୟ ମୋବାଇଲ ଫୋନର ଶତ୍ରୁତାକୁ ନେଇ ଜଣେ ବ୍ୟକ୍ତିଙ୍କୁ ହତ୍ୟା କରାଯାଉଛି । କିଛିଟା ଟଙ୍କା ପାଇଁ ମଣିଷ ମାରିବାକୁ ପଛାଉନାହାନ୍ତି । ଏବଂ ଏହି ଘଟଣାରେ ପୋଲିସ ଜୟଦେବ ଦାସକୁ ଗିରଫ କରିଛି । 

ଅଧିକ ପଢନ୍ତୁ : ଧାରୁଆ ଅସ୍ତ୍ରରେ ହାଣି ପରିବା ବ୍ୟବସାୟୀଙ୍କୁ ହତ୍ୟା