ବାଲେଶ୍ୱର: ଏପଟେ ଯାତ୍ରା ଦେଖୁଥିବାବେଳେ ସେପଟେ ଘରେ କଳାକନା ବୁଲାଇଦେଲେ ଲୁଟେରା । ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ ତୁଣ୍ଡପଡ଼ା ଗ୍ରାମରେ ଗୋଟିଏ ରାତିରେ ୪ ଘରୁ ହୋଇଛି ସିରିଜ୍ ଲୁଟ୍ । ଦୁର୍ବୃତମାନେ ଲକ୍ଷାଧିକ ଟଙ୍କାର ଅଳଙ୍କାର ଏବଂ ନଗଦ ଟଙ୍କା ନେଇଯାଇଥିବା ଅଭିଯୋଗ ହୋଇଛି । ପୋଲିସ ଘଟଣାର ଯାଞ୍ଚ ଆରମ୍ଭ କରିଛି । 

ଅଧିକ ପଢ଼ନ୍ତୁ- ଚଞ୍ଚକତା କରି ନେଇଗଲେ ହିତାଧିକାରୀଙ୍କ ଆବାସ ଟଙ୍କା, ସ୍ୱାମୀ ସହ ସରପଞ୍ଚ ଗିରଫ

ବାଲେଶ୍ବର ଜିଲ୍ଲା ସୋର ଥାନା ଅନ୍ତର୍ଗତ ତୁଣ୍ଡପଡା ଗ୍ରାମର ସଞ୍ଜୟ ନାୟକ, ମାର୍କଣ୍ଡ ନାୟକ, ଧୀରେନ ଦାସ ଓ ମନ୍ମଥ  ନାୟକଙ୍କ ପରିବାର ବୁଧବାର ରାତିରେ ଯାତ୍ରା ଦେଖିବାକୁ ଯାଇଥିଲେ । ଘରେ କେହି ନ ଥିବାର ସୁଯୋଗ ନେଇ ଚୋର ଗୋଟିଏ ପରେ ଗୋଟିଏ ଘରେ ପଶିଥିଲେ । କବାଟ ଭାଙ୍ଗିବା ସହିତ ସୁନା ଗହଣା ଲୁଟି ନେଇଛନ୍ତି । ପରିବାର ଲୋକ ଯାତ୍ରାରୁ ଫେରିବା ପରେ ଘରେ କଳା କନା ବୁଲିଥିବା ଦେଖିବାକୁ ପାଇଥିଲେ । ଏ ନେଇ ସୋର ଥାନାରେ ଲିଖିତ ଅଭିଯୋଗ ହୋଇଛି । 

ତେବେ ଏ ସମସ୍ତ ଘଟଣା ସିସିଟିଭିରେ କଏଦ ହୋଇଛି । ପ୍ରାୟ ୧୦ ଜଣିଆ ଲୁଟେରା ଗ୍ୟାଙ୍ଗ୍ ଏଥିରେ ସମ୍ପୃକ୍ତି ଥିବା ଅନୁମାନ କରାଯାଉଛି । ପୋଲିସ ଘଟଣା ସ୍ଥଳରେ ପହଁଚି ଛାନଭିନ ଆରମ୍ଭ କରିଛି ।