ବାଲେଶ୍ୱର: ବସକୁ ଧକ୍କା ଦେଲା ଟ୍ରକ, ଓଲଟିଲା ଯାତ୍ରୀବାହୀ ବସ୍‌। ବାଲେଶ୍ୱର ଜିଲ୍ଲା ସେରଗଡ଼ ଝରଣାଘାଟି ନିକଟରେ ଦୁର୍ଘଟଣା ହୋଇଛି। ଏଥିରେ ୨୦ରୁ ଅଧିକ ଲୋକେ ଆହତ ହୋଇଛନ୍ତି। 

ସୂଚନା ମୁତାବିକ ବସଟି ବାଲେଶ୍ୱରରୁ ମୟୁରଭଞ୍ଜ ଉଦଳା ଅଭିମୁଖେ ଯାତ୍ରା କରୁଥିଲା। ତେବେ ଝରଣାଘାଟି ୧୯ ନମ୍ବର ରାଜ୍ୟ ରାଜପଥ ଦେବଜାନୀ ଛକ ନିଟକରେ ବସଟି ଦୁର୍ଘଟଣାର ଶିକାର ହୋଇଛି। ଟ୍ରକକୁ ସାଇଡ଼ ଦେବାକୁ ଯାଇ ଓଲଟିଛି ବସ୍‌। ଦୁର୍ଘଟଣାରେ ବସରେ ଥିବା ୨୦ରୁ ଅଧିକ ଯାତ୍ରୀ ଗୁରୁତର ହୋଇଛନ୍ତି। ସେମାନଙ୍କୁ ସ୍ଥାନୀୟ ଲୋକଙ୍କ ସାହାର୍ଯ୍ୟରେ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି।