ଭୁବନେଶ୍ୱର: ରାଜ୍ୟରେ ନିଶା ଦ୍ରବ୍ୟରେ ଆସୁଥିବା ଗୁଟଖା ବିକ୍ରି ବନ୍ଦ ହୋଇଥିବା ବେଳେ ପାନ ମସଲାକୁ ନେଇ ଦ୍ୱନ୍ଦ୍ୱ ଲାଗିରହିଛି । ତେବେ ରାଜ୍ୟରେ ପାନ ମସଲା ବିକ୍ରି ବନ୍ଦ ହେବ ନାହିଁ ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସିଟି ଜିଏସଟି ବିଭାଗକୁ ଚିଠି ଲେଖି ଅବଗତ କରିଛନ୍ତି । ପାନ ମସଲାରେ ତମ୍ବାଖୁ ବା ନିକୋଟିନ୍ ରହୁନାହିଁ । ସେଥିପାଇଁ ବଜାରରେ ପାନ ମସଲା ବିକ୍ରି ବନ୍ଦ ହେବ ନାହିଁ । କିନ୍ତୁ ଖୁଟଖା, ଜର୍ଦ୍ଦା ଓ ଖଇନି ଉପରେ କଟକଣା ଜାରି ରହିବ । 

ଗତ ସପ୍ତାହରେ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଗୁଟଖା ବିକ୍ରି ଉପରେ ନିଷେଧାଦେଶ ଜାରି ହୋଇଛି । ସୁପ୍ରିମକୋର୍ଟଙ୍କ ତାଗିଦ ପରେ ଓଡ଼ିଶା ସରକାର ଗୁଟଖା, ପାନ ମସଲା, ଖଇନି ଓ ଜର୍ଦ୍ଦା ଭଳି ସାମଗ୍ରୀ ବିକ୍ରି ଉପରେ କଟକଣା ଜାରି କରିଛନ୍ତି । ଗୁଟୁଖାରେ ନିକୋଟିନ୍ ରହୁଥିବାରୁ ଏହା ଉପରେ ବ୍ୟାନ୍ ଲଗାଯାଇଛି । ଏପରିକି କିଛି କମ୍ପାନୀ ପାନ ମସଲା ବାହାନାରେ ଗୁଟଖା ବିକ୍ରି କରୁଥିବା ମଧ୍ୟ ଦେଖାଯାଇଛି ।