ବଲାଙ୍ଗୀର ଜିଲ୍ଲା କଣ୍ଟାବାଂଜି ଥାନା ଅନ୍ତର୍ଗତ କୁର୍ଲି ଗାଁ ନକଟରେ ଏକ ଅଘଟଣ ଘଟିଯାଇଛି । ଜଣେ ସାଇକେଲ ଆରୋହୀଙ୍କ ଉପରେ ଏକ ବସ ମାଡିଯାଇଛି । ଫଳରେ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣଙ୍କ କୀର୍ତ୍ତନ ରଣା ବୋଲି ଜଣାପଡିଛି ।

ସୂଚନା ଅନୁସାରେ କୀର୍ତ୍ତନ ଆଜି ସକାଳେ ସାଇକେଲରେ କୈାଣସି ଏକ କାମରେ ବଜାରକୁ ଯାଇଥିଲେ । କାମ ସାରି ଘରକୁ ଫେରୁଥିବା ସମୟରେ କୁର୍ଲି ଗାଁର ମୁଖ୍ୟ ରାସ୍ତାରେ ବିଜୟଲକ୍ଷ୍‌ମୀ ନାମକ ଏକ ବସ ତାଙ୍କୁ ଧକ୍କା ଦେଇଥିଲା । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କଣ୍ଟାବାଞ୍ଜି ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଅବସ୍ଥା ଗୁରୁତର ହେବାରୁ କୀର୍ତ୍ତନଙ୍କୁ ବଲାଙ୍ଗିର ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।