ବର୍ଷ ଆରମ୍ଭରୁ ବଡ ଅଘଟଣ । ନିଜ ମଉସାଙ୍କ ସହ ଯାଉଥିବା ବେଳେ ଜଣେ କୁନି ଝିଅ ଉପରେ ହାଇୱା ଚଢିଯାଇଛି । ଫଳରେ ଘଟଣା ସ୍ଥଳରେ ପିଲାଟିର ମୃତ୍ୟୁ ହୋଇଛି । ଏଭଳି ଏକ ଅଘଟଣ ଆଜି କଟକର ଯୋବ୍ରା ବ୍ୟାରେଜ ନିକଟରେ ଘଟିଯାଇଛି । 

ସୂଚନା ଅନୁସାରେ , ନିଜ ମଉସା ଓ ଝିଆରୀ ନୂଆବର୍ଷ ପାଇଁ ବୁଲିବାକୁ ଯାଉଥିବା ବେଳେ ଯୋବ୍ରା ବ୍ୟାରେଜ ନିକଟରେ ଏକ ହାଇୱା ତାଙ୍କୁ ଧକ୍କା ଦେଇଥିଲା । ଯାହା ଫଳରେ ଭାରସାମ୍ୟ ହରାଇ ଉଭୟ ମଉସା ଝିଆରୀ ତଳେ ପଡିଯାଇଥିଲେ । ଏହି ସମୟରେ ହାଇୱାଟି କୁନି ଝିଅ ଉପରେ ଚଢିଯାଇଥିଲା ଏବଂ ଘଟଣାସ୍ଥଳରେ ହିଁ ଝିଅଟିର ମୃତ୍ୟୁ ହୋଇଥିଲା । ତେବେ ମଉସାଙ୍କ ଅବସ୍ଥା ଗୁରୁତର ଥିବା ବେଳେ ତାଙ୍କୁ ତୁରନ୍ତ କଟକ ଏସସିବିରେ ଭର୍ତ୍ତି କରାଯାଇଛି ।