ଛତିଶଗଡ଼: ଲଗାତାର ଏନକାଉଣ୍ଟ ପରେ ଥରହର ମାଓବାଦୀ, ଭୟରେ ଶାନ୍ତି ଆଲୋଚନା ପାଇଁ ଜାରି କଲେ ପ୍ରେସ ବିଜ୍ଞପ୍ତି। କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବସ୍ତର ପାଣ୍ଡୁମ୍ ଗ୍ରସ୍ତ ପୂର୍ବରୁ ଶାନ୍ତି ଆଲୋଚନା ପାଇଁ ପ୍ରେସ ନୋଟ୍ ଜାରି କରିଛି ମାଓବାଦୀ ସଂଗଠନ ସିପିଆଇ (ମାଓବାଦୀ) କେନ୍ଦ୍ରୀୟ କମିଟି। ବିଜ୍ଞପ୍ତିରେ କମିଟି କହିଛି, ପୂର୍ବରୁ ମଧ୍ୟ ଶାନ୍ତି ଆଲୋଚନା ପାଇଁ ଇଚ୍ଛା ପ୍ରକାଶ କରିଥିଲୁ, ହେଲେ ସରକାର କୌଣସି ସତ୍କରାତ୍ମକ ଉତ୍ତର ଦେଇ ନଥିଲେ। 

ସୁରକ୍ଷାକର୍ମୀଙ୍କ ଅପରେସନକୁ ନରସଂହାର ବୋଲି କହିଛନ୍ତି ମାଓବାଦୀ। ଲଗାତାର ଏନକାଉଣ୍ଟରେ ୪ଶହରୁ ଅଧିକ ମାଓବାଦୀ ନିହତ ହୋଇଥିବା ନେଇ ମାଓ ସଙ୍ଗଠନ ଦାବି କରିଛି। ଅପରେସନକୁ ବନ୍ଦ କରିବା ସହ ଶାନ୍ତି ଆଲୋଚନା ପାଇଁ ପ୍ରେସନୋଟରେ କହିଛନ୍ତି ମାଓବାଦୀ। ଯଦି ସରକାର ସେମାନଙ୍କ ଦାବି ଗ୍ରହଣ କରିବେ, ତେବେ ମାଓବାଦୀମାନେ ଯୁଦ୍ଧ ବିରତି ଘୋଷଣା କରିବେ। ଶାନ୍ତି ଆଲୋଚନାକୁ ସମର୍ଥନ କରିବାକୁ ଜନ ସାଧାରଣଙ୍କୁ ବି ନିବେଦନ କରିଛନ୍ତି ମାଓବାଦୀ। ଆସନ୍ତା ୨୦୨୬ ମାର୍ଚ୍ଚ ୩୧ ସୁଦ୍ଧା ମାଓବାଦୀଙ୍କୁ ମୂଳପୋଛ ପାଇଁ ଡେଡ୍‌ଲାଇନ ଥିବା କହିଛନ୍ତି କେନ୍ଦ୍ରଗୃହ ମନ୍ତ୍ରୀ ଅମିତ ଶାହା।