ବରଗଡ଼: ଧନୁଯାତ୍ରା ନ ଥିବା ବେଳେ ଚର୍ଚ୍ଚାକୁ ଆସିଛନ୍ତି କଂସ ମହାରାଜ ହୃଷିକେଶ ଭୋଇ । ବରଗଡ଼ ଧନୁଯାତ୍ରାର କଂସ ଭୂମିକାରେ ଅଭିନୟ କରୁଥିବା ହୃଷିକେଶ ବିରୋଧରେ ସଙ୍ଗୀନ ଅଭିଯୋଗ । ମହାପ୍ରୟାଣ ଗାଡ଼ିରେ ଶବ ନେବାକୁ ସେ ଲାଞ୍ଚ ନେଇଥିବା ମୃତକଙ୍କ ପୁଅ ଅଭିଯୋଗ କରିଛନ୍ତି । 

ବରଗଡ଼ ଧନୁଯାତ୍ରାର କଂସ ଭୂମିକାରେ ଅଭିନୟ କରୁଥିବା ହୃଷିକେଶ ଭୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଡ୍ରାଇଭର ଭାବେ କାର୍ଯ୍ୟ କରନ୍ତି । ମହାପ୍ରୟାଣ ଗାଡ଼ିରେ ନିଶୁଳ୍କ ସେବା ଥିବାବେଳେ ମେଡ଼ିକାଲରୁ ଗୋଟିଏ ମୃତ ଦେହ ନେବାକୁ ୩ ହଜାର ଟଙ୍କା ଲାଞ୍ଚ ମାଗିଥିଲେ । ମୃତକଙ୍କ ପରିବାର ତାଙ୍କୁ ଟଙ୍କା ଦେବାରୁ ସେ ଶବ ନେଇଥିଲେ ବୋଲି ଅଭିଯୋଗ ହୋଇଛି । 

ଅଭିଯୋଗ ପରେ ଘଟଣାର ତଦନ୍ତ ଆରମ୍ଭ ହୋଇଛି । ହୃଷିକେଶ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ କାରଣ ଦର୍ଶାଅ ନୋଟିସ ଜାରି କରାଯାଇଥିବା ନେଇ ସୂଚନା ଦେଇଛନ୍ତି ସିଡିଏମଓ ନିରୂପମା ଷଡ଼ଙ୍ଗୀ । 

ଅନ୍ୟପକ୍ଷରେ ନିଜେ କରିଥିବା ଭୁଲକୁ ସ୍ୱୀକାର କରିଛନ୍ତି ହୃଷିକେଶ ଭୋଇ । ସେ ମୃତକଙ୍କ ପରିବାରଠାରୁ ଟଙ୍କା ନେଇଥିବା ସେ କହିଛନ୍ତି । ନେଇଥିବା ଟଙ୍କାକୁ ସେ ଫେରାଇ ଦେବାକୁ କହିଥିବାବେଳେ ଭୁଲ ମଧ୍ୟ ମାଗିଛନ୍ତି ।