ରାୟଗଡ଼ା ସହର ଫାୟାର ଷ୍ଟେସନ ନିକଟରେ ରହୁଥିବା ଜଣେ ସରକାରୀ କର୍ମଚାରୀଙ୍କୁ ବନ୍ଧୁକ ଦେଖାଇ ମରଣାନ୍ତକ ଆକ୍ରମଣ କରିବା ସହ ଲୁଟ ହୋଇଥିବା ଜଣାପଡ଼ିଛି। ଆକ୍ରମଣର ଶିକାର ହୋଇଥିବା ବସନ୍ତ କୁମାର ମିଶ୍ର ରାୟଗଡା ପୂର୍ତ୍ତ ବିଭାଗରେ କାର୍ଯ୍ୟ କରନ୍ତି। ବସନ୍ତ ଦେଇଥିବା ସୂଚନା ଅନୁଯାୟୀ ସେ ଗତକାଲି ରାତିରେ ଘରେ ଏକୁଟିଆ ଥିଲେ, ଏହି ସମୟରେ ୪/୫ ଯୁବକ ହାତରେ ବନ୍ଧୁକ ଛୁରି ଧରି ଘରେ ଜୋର ଜବରଦସ୍ତି ଘରେ ପଶିଥିଲେ। ରାତି ୧୧ଟାରେ ଘରେ ପଶି ସକାଳ ୫ଟା ଯାଏଁ ଦୁର୍ବୁତ୍ତମାନେ ବସନ୍ତଙ୍କୁ ମାରପିଟ୍ କରିଛନ୍ତି।

ଆକ୍ରମଣକାରୀମାନେ ସୁନା ଅଳଙ୍କାର, ନଗଦ ଟଙ୍କା, ଘରକରଣା ଜିନିଷପତ୍ର ଲୁଟି ନେଇଥିଲେ ଏବଂ ତାଙ୍କୁ ବ୍ୟାଙ୍କ ଉଠାଣ ଫର୍ମରେ ଦସ୍ତଖତ କରିବାକୁ ବାଧ୍ୟ କରିଥିଲେ। ସେମାନେ ତାଙ୍କ ଫୋନ୍ ଆକାଉଣ୍ଟରୁ ୧୧,୦୦୦ ତାଙ୍କ ଟ୍ରାନ୍ସଫର ମଧ୍ୟ କରିଥିଲେ। ଯିବା ପୂର୍ବରୁ ସେମାନେ ବାହାରୁ ଦ୍ୱାର ବନ୍ଦ କରିଦେଇଥିଲେ ଏବଂ ପୋଲିସକୁ ଜଣାଇଲେ ତାଙ୍କୁ ହତ୍ୟା କରିବାକୁ ଧମକ ଦେଇଥିଲେ। 

ଦୁର୍ବୁତ୍ତମାନେ ସକାଳୁ ବାହାର ପଟୁ କବାଟ ବନ୍ଦ କରି ଚାଲି ଯାଇଥିଲେ। ସକାଳୁ ବସନ୍ତ ଘଣ୍ଟାଏ ଧରି ପାଟି କରିବା ପରେ ସାହି ପଡିଶା ଉଦ୍ଧାର କରି ଡି. ଏଚ. ଏଚକୁ ଚିକିତ୍ସା ପାଇଁ ଆଣିଥିଲେ। ଦୁର୍ବୁତ୍ତମାନେ ପୁଲିସ କିମ୍ବା କାହାକୁ ଖବର ଦେଲେ ହତ୍ୟା କରିବୁ ବୋଲି ଧମକ ଦେଇଛନ୍ତି। ରାୟଗଡ଼ା ପୁଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି। ଆକ୍ରମଣ ଏବଂ ଡକାୟତିରେ ସମ୍ପୃକ୍ତ ଅଭିଯୁକ୍ତମାନଙ୍କୁ ଚିହ୍ନଟ ଏବଂ ଠାବ କରିବାକୁ ପ୍ରୟାସ ଚଳାଇଛି ପୋଲିସ।

ଅଧିକ ପଢନ୍ତୁ: ଘୋଡ଼ା ବେପାର ଭୟ ଭିତରେ BJD ବିଧାୟକଙ୍କୁ ନବୀନଙ୍କ କଡ଼ା ତାଗିଦ୍‌;୧୩ରୁ ୧୫ ତାରିଖ ଯାଏଁ ନବୀନ ନିବାସରେ ରହିବାକୁ ଲେଖିଲେ ଚିଠି