କେଉଁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ବେଣାମୁଣ୍ଡା କୁମ୍ଭାର ସାହିରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ବୋହୂର ଟାଙ୍ଗିଆ ଚୋଟରେ ଶ୍ୱଶୁର ଗୁରୁତର ହୋଇପଡିଛନ୍ତି । ସୂଚନା ଅନୁସାରେ ଶନିବାର ବିଳମ୍ବିତ ରାତିରେ ଖାଇସାରି ଶୋଇଥିବା ବେଳେ ବୋହୂ କୁନି ବେହେରା ଶ୍ଵଶୁର ଆନନ୍ଦ ବେହେରାଙ୍କ ବେକରେ ଟାଙ୍ଗିଆରେ ଚୋଟ ପକାଇଥିଲା । ଏବଂ ଆନନ୍ଦ ଚିତ୍କାର କରିବାରୁ ବୋହୂ ସେଠାରୁ ପଳାଇ ଯାଇଥିଲା । ତେବେ ପରିବାର ଲୋକ ସଙ୍ଗେସଙ୍ଗେ ଆନନ୍ଦଙ୍କୁ ଉଦ୍ଧାର କରି ପ୍ରଥମେ ତେଲକୋଇ ମେଡିକାଲରେ ଭର୍ତ୍ତି କରିଥିଲେ । ପରେ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଏହାସହ ଆଗରୁ ମଧ୍ୟ ଶ୍ଵଶୁର ଆନନ୍ଦଙ୍କୁ ବୋହୂ ବିଷ ଦେଇ ମାରିବା ପାଇଁ ଚେଷ୍ଟା କରିଥିବା କୁହାଯାଉଥିବା ବେଳେ ବୋହୂ କୁନିକୁ ପୋଲିସ ଅଟକ ରଖ୍ ଅଧୂକ ପଚରାଉଚରା କରୁଛି ।