ଦିନକୁ ଦିନ ବଢି ଚାଲିଛି ବେଆଇନ ଦାଦନ ଚାଲାଣ। ବ୍ୟାପକ ସଚେତନତା ସତ୍ତ୍ୱେ ବେଆଇନ ଦାଦନ ଚାଲାଣ କମିବାର ନାଁ ଧରୁନି। ଚାଲାଣକାରୀ କାମ ଯୋଗାଇଦେବାର ପ୍ରଲୋଭନ ଦେଖାଇ ୮୦ ଜଣ ଶ୍ରମିକଙ୍କୁ ଓଡିଶାରୁ ଆନ୍ଧ୍ରପ୍ରଦେଶ ଚାଲାଣ କରୁଥିବା ବେଳେ ଯବାନ ମାନେ ଉଦ୍ଧାର କରିଛନ୍ତି। ଏହି ଶ୍ରମିକ ମାନଙ୍କୁ ଆନ୍ଧ୍ର-ଓଡ଼ିଶା ସୀମାନ୍ତ ଚିଲିବାଳସା ଗେଟ ନିକଟରୁ କରାଯାଇଛି।
ସୂଚନାଯୋଗ୍ୟ ଯେ, ସୋମବାର ବିଳମ୍ବିତ ରାତିରେ କୋରାପୁଟର ନାରାୟଣପାଟଣା ଅଞ୍ଚଳରୁ ୮୦ ଜଣ ଶ୍ରମିକଙ୍କୁ ଏକ ବସ୍ ଯୋଗେ ଆନ୍ଧ୍ରପ୍ରଦେଶର ଗୁଣ୍ଟୁରକୁ ଦାଦନ ଖଟିବାକୁ ନିଆ ଯାଉଥିଲା। ଉଦ୍ଧାର ଶ୍ରମିକଙ୍କ ମଧ୍ୟରେ କିଛି ଜଣ ନାବାଳକ ଓ ନାବାଳିକା ଥିବା ଜଣାପଡିଛି। ତେବେ ସମସ୍ତଙ୍କ ଘର କୋରାପୁଟ ଜିଲ୍ଲା ନାରାୟଣପାଟଣାରେ ବୋଲି ଜଣାପଡିଛି। ଆନ୍ଧ୍ର-ଓଡ଼ିଶା ସୀମା ନିକଟରେ ଥିବା ଚିଲିବାଳସା ଗେଟରେ ନିକଟରେ ଯବାନମାନେ ଏହି ବସ୍ଟିକୁ ଅଟକାଇଥିଲେ। ଯାଞ୍ଚ ପରେ ଏହି ବସ୍ ରେ ଶ୍ରମିକମାନେ ଦାଦନ ଖଟିବାକୁ ଯାଉଥିବା ଜଣାପଡ଼ିଥିଲା। ଏ ସଂକ୍ରାନ୍ତରେ ପୁଲିସକୁ ଖବର ଦେଇଥିଲେ ଯବାନ। ଏହାପରେ ପୋଲିସ ଘଟଣା ସ୍ଥଳରେ ପହଂଚି ଛାନଭିନ ଆରମ୍ଭ କରିବା ସହ ଦାଦନ ଶ୍ରମିକଙ୍କୁ ଉଦ୍ଧାର କରି ପଚରାଉଚରା କରୁଛି। ତେବେ କିଏ ସେମାନଙ୍କୁ ଦାଦନ ଖଟିବାକୁ ଆନ୍ଧ୍ରପ୍ରଦେଶ ଚାଲାଣ କରୁଥିଲେ ଏବଂ ଏହି ଘଟଣାରେ କେଉଁମାନେ ସଂପୃକ୍ତ ଅଛନ୍ତି ସେ ବିଷୟରେ ତଦନ୍ତ ଜାରି ରହିଛି।
ଅଧିକ ପଢନ୍ତୁ: ଜାମ୍ମୁ-କାଶ୍ମୀରରେ ମୋଦି