ରାଜ୍ୟରେ ବଢୁଛି କରୋନା ସଂକ୍ରମଣ, ଧୀରେ ଧୀରେ ଫେରିବାରେ ଲାଗିଛି କଟକଣା ଭୁବନେଶ୍ୱର, ଜୁଲାଇ ୧(ଖବର ଓଡିଶା): Share story: ରାଜ୍ୟରେ ଗତ କିଛି ଦିନ ହେଲା କରୋନା ସଂକ୍ରମଣ ବଢିବାରେ ଲାଗିଛି । କରୋନା ଦୈନିକ ସଂକ୍ରମଣ ଶହେ ଉପରେ ରହିଥିବା ବେଳେ ଆଜି ୨ ଶହ ଟପିଛି ସଂକ୍ରମଣ । ତେବେ ସଂକ୍ରମଣ ବଢୁଥିବାରୁ ରାଜ୍ୟରେ କରୋନା କଟକଣା ମଧ୍ୟ ଫେରିବା ଆରମ୍ଭ ହୋଇଗଲାଣି । ରାଜଧାନୀରେ ଏଣିକି ମାସ୍କ ପିନ୍ଧିବା ବାଧ୍ୟତାମୁଳକ କରାଯାଇଛି । ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବା ବାଧ୍ୟତାମୂଳକ ଏବଂ ୨ ମିଟର ସାମାଜିକ ଦୁରତ୍ୱ ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି । ସପିଙ୍ଗ ମଲ୍, ଦୋକାନରେ ସାମାଜିକ ଦୁରତା ଅବଲମ୍ବନ କରିବାକୁ କୁହାଯାଇଛି । ଏହା ଛଡ଼ା ବାହାରେ ଛେପ ପକାଇବାକୁ ବାରଣ କରାଯାଇଛି ଓ ନିୟମିତ ହାତ ଧୋଇବାକୁ ମଧ୍ୟ ପରାମର୍ଶ ଦିଆଯାଇଛି । ତେବେ ଆଜି ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ୨୦୪ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ୧୧୯ ଜଣ କ୍ୱାରେଣ୍ଟାଇନ୍ରୁ ରହିଥିବା ବେଳେ ୮୫ ଜଣ ସ୍ଥାନୀୟ ସଂକ୍ରମିତ ରହିଛନ୍ତି । ଖବର ଓଡ଼ିଶା, Reporter, 01/07/2022