ସମ୍ବଲପୁର ଜିଲ୍ଲାରେ ଜମିବାଡି ବିବାଦକୁ ନେଇ ହୋଇଥିବା ଦୁଇଗୋଟି ହତ୍ୟା ଘଟଣାର ପର୍ଦ୍ଧାଫାଶ କଲା ସମ୍ବଲପୁର ପୋଲିସ । ଦୁଇ ହତ୍ୟାକାରୀଙ୍କୁ ଗିରଫ ସହ ହତ୍ୟାକାଣ୍ଡରେ ବ୍ୟବହୃତ ସାମଗ୍ରୀକୁ ପୋଲିସ ଜଵତ କରିଛି । ତେବେ ଗିରଫ ଅଭିଯୁକ୍ତ ମାନଙ୍କ ନାମ ସୁମନ୍ତ ପ୍ରଧାନ ଓ ସଞ୍ଜୟ ବିଶ୍ୱାଳ ବୋଲି ଜଣାପଡିଛି । ଏନେଇ ସମ୍ବଲପୁର ଜିଲ୍ଲା ଏସପି  ମୁକେଶ କୁମାର ଭାମୁ ଗଣମାଧ୍ୟମ ପ୍ରତିନିଧିମାନଙ୍କୁ ସୂଚନା ଦେଇଛନ୍ତି ।

ଏସପି ଙ୍କ ସୂଚନା ମୁତାବକ ରବିବାର ସମ୍ବଲପୁର ଜିଲ୍ଲାର କୁଲତା ନୁଆଁପାଲିରେ ସବ୍ୟସାଚୀ ସାହୁ ନାମକ ବ୍ୟକ୍ତି ଙ୍କୁ ହତ୍ୟା କରାଯାଇଥିଲା । ଏହି ଘଟଣାରେ ପୋଲିସ ସୁମନ୍ତ ପ୍ରଧାନ ନାମକ ଜଣେ ଅଭିଯୁକ୍ତ ଙ୍କୁ ଗିରଫ କରିଛି । ତେବେ ଜମି କିଣାବିକାକୁ ନେଇ ଟଙ୍କା ଦେବାକୁ କେନ୍ଦ୍ରକରି ଏହି ହତ୍ୟାକାଣ୍ଡ ହୋଇଥିବା ପୋଲିସ ସୂଚନା ଦେଇଛନ୍ତି । ଏଥିସହ ପୋଲିସ ହତ୍ୟାକାଣ୍ଡରେ ବ୍ୟବହୃତ ହୋଇଥିବା ମାରଣାସ୍ତ୍ର, ଗୋଟିଏ ମୋଟର ସାଇକେଲ ଓ ବିଭିନ୍ନ ସାମଗ୍ରୀକୁ ଜବତ କରିଛି । 

ଏହାସହ ସାହାଜବାହାଲ ଠାରେ ନିଜ ଭାଇ ବିପ୍ର ବିଶ୍ଵାଲ ଙ୍କୁ ହତ୍ୟା କରିଥିବା ଘଟଣାରେ ପୋଲିସ ଅଭିଯୁକ୍ତ ସଞ୍ଜୟ ବିଶ୍ୱାଳ ନାମକ ବ୍ୟକ୍ତି ଙ୍କୁ ଗିରଫ କରିଛି । ସାହାଜବାହାଲ ରେ ଜମି ଭାଗବଣ୍ଟା ବିବାଦ କାରଣରୁ ଅଭିଯୁକ୍ତ ଜଣକ ନିଜ ଭାଇ ବିପ୍ର ବିଶ୍ଵାଲଙ୍କୁ ଏକ ତାୱ। ସାହାଯ୍ୟରେ ମୁଣ୍ଡକୁ ଆକ୍ରମଣ କରି ହତ୍ୟା କରିଥିଲା । ଏହି ହତ୍ୟାକାଣ୍ଡ ରେ ବ୍ୟବହୃତ ହୋଇଥିବା ତାୱ।କୁ ପୋଲିସ ଜଵତ କରିଥିବା ନେଇ ସୂଚନା ମିଳିଛି ।

ଅଧିକ ପଢ଼ନ୍ତୁ : ରାଜରାସ୍ତାରେ ବୁଲୁଛି ଭାଲୁ