କାର ଟ୍ରକ ମୁହାଁ ମୁହିଁ ଧକ୍କା । ଅଳ୍ପକେ ବର୍ତ୍ତିଗଲେ ଡ୍ରାଇଭର ଓ ହେଲଫର । ଆଜି ସକାଳୁ ସକାଳୁ କାର ଟ୍ରକ ମୁହାଁ ମୁହିଁ ଧକ୍କା ହୋଇଛି । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ୱର ଜିଲ୍ଲା ସିମୁଳିଆ ଥାନା ୧୬ ନମ୍ବର ଜାତୀୟ ରାଜପଥ ଭଗିଆଶୁଣି ଛକ ନିକଟରେ । ଏହି ଦୁର୍ଘଟଣାରେ ୪ ଜଣ ଆହତ ହୋଇଯାଇଛନ୍ତି । 

ସୂଚନା ଅନୁଯାୟୀ,ଏକ କାର ବାଲେଶ୍ୱର ଦିଗରୁ ଭୁବନେଶ୍ୱର ଯାଉଥିଲା । ଏହାର ବିପରୀତ ଦିଗରୁ ଆସୁଥିବା କୁଣ୍ଡା ବୋଝେଇ ଟ୍ରକ ସହିତ ଧକ୍କା ହୋଇଥିଲା । ଏଭଳି ଦୁର୍ଘଟଣାରେ ଟ୍ରକ ଡ୍ରାଇଭର ଓ ହେଲଫର ଆହତ ହୋଇଥିଲେ । ଆହତ ମାନଙ୍କୁ ସିମୁଳିଆ ଡାକ୍ତରଖାନାରେ ଭର୍ତ୍ତି କରାଯାଇଛି । ସେହିପରି କାର ଡ୍ରାଇଭର ଓ ଜଣେ ଯାତ୍ରୀ ଗୁରୁତର ହୋଇ ଭଦ୍ରକ ଡାକ୍ତରଖlନରେ ଭର୍ତ୍ତି କରାଯାଇଛି । ସ୍ଥାନୀୟଲୋକେ ପୋଲିସକୁ ଖବର ଦେବା ପରେ ପୋଲିସ ସେଠାରେ ପହଞ୍ଚି ତଦନ୍ତ ଆରମ୍ଭ କରିଛି ।

ଅଧିକ ପଢନ୍ତୁ :୭ ଡ଼କାୟତଙ୍କୁ ଗିରଫ କଲା ପୋଲିସ