ବନ୍ଧୁକ ମୁନରେ ଡକାୟତ କରୁଥିବା ଡ଼କାୟତଙ୍କୁ ଗିରଫ କଲା ପୋଲିସ । ବଲାଙ୍ଗୀର ଜିଲ୍ଲାରେ ଘଟିଛି ଏକ ଅଭାବନୀୟ ଘଟଣା । ଗତ ଜାନୁଆରୀ ୧୧ ତାରିଖରେ ଇକମ ଏକ୍ସପ୍ରେସର ସମାନ ଭବାନୀପାଟଣାରୁ ଟ୍ରାନ୍ସକାର୍ଟ ମେନେଜମେଣ୍ଟ ପ୍ରାଇଭେଟ ଲିମିଟେଡ଼ର ଗାଡ଼ିରେ ଖରିଆର ଯାଉଥିବାବେଳେ ଘଟିଛି ଗୋଟେ ଅଭାବନୀୟ ଘଟଣା ।  ଘଟଣାରେ ଡକାୟତମାନେ ଲିଫ୍ଟ ମାଗିବା ବାହାନାରେ ବନ୍ଧୁକ ଦେଖାଇ ଗାଡିଟିକୁ ବେଲପଡା ଥାନା ନୁନହାଡ଼ ଅଞ୍ଚଳରୁ ଅପହରଣ କରିନେଇଥିଲେ । ପରେ ଟ୍ରାନ୍ସକାର୍ଟ ମେନେଜମେଣ୍ଟ ପ୍ରାଇଭେଟ ଲିମିଟେଡ଼ର ମ୍ୟାନେଜର ଥାନାରେ ଅଭିଯୋଗ କରିଥିଲେ । ଅଭିଯୋଗ କ୍ରମେ ବେଲପଡା ଥାନାଧିକାରୀ ବଲାଙ୍ଗିର SP ଓ ପାଟଣାଗଡ଼ Sdpo ଙ୍କ ନିର୍ଦେଶକ୍ରମେ ଟିମ ଗଠନକରି ପାଞ୍ଚଜଣ ଡକାୟତ ଓ ଦୁଇଜଣ ନାବାଳକ ସର୍ବମୋଟ ୭ଜଣଙ୍କୁ ଗିରଫ କରାଯାଇଛି । ଗିରଫ ପରେ ୭ ଜଣ ଡକାୟତଙ୍କୁ କୋର୍ଟ ଚାଲାଣ କରାଯାଇଛି । ଡକାୟତମାନଙ୍କ ଠାରୁ ଗୋଟିଏ ବିଦେଶୀ ରିଭଲଭର,୧୦ ଟି ମୋବାଇଲ ଓ ଲୁଟ ହୋଇଥିବା ଗାଡି ପୋଲିସ ଜବତ କରିଛି । ଏହି ଘଟଣାରେ ଆଉ ଦୁଇଜଣଙ୍କ ଡକାୟତ ସମ୍ପୃକ୍ତି ଥିବାରୁ ସେମାନଙ୍କୁ ମଧ୍ୟ ଖୁବଶୀଘ୍ର ଗିରଫ କରିବେ ବୋଲି ପ୍ରେସମିଟ କରି ଜଣାଇଛନ୍ତି ପାଟଣାଗଡ଼ Sdpo । 

ଆଗକୁ ପଢ଼ନ୍ତୁ : ବସରେ ଯାଉଥିବା ବେଳେ ଯାତ୍ରୀଙ୍କ ଅସ୍ବାଭାବିକ ମୃତ୍ୟୁ