ଆଉ ଦୁଇ ଦିନ ପରେ ଲୋକାର୍ପିତ ହେବାକୁ ଯାଉଛି ମା' ସମଲେଇ ପ୍ରକଳ୍ପ l ଯାହାକୁ ଲୋକାର୍ପଣ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ l ସମଲେଇ ଯୋଜନାର ଚାରି ଦ୍ବାରରେ 4 ଯଜ୍ଞ ସ୍ଥଳୀ ଓ ମୁଖ୍ୟ ଯଜ୍ଞ ସ୍ଥଳୀ ସମ୍ପୂର୍ଣ ହୋଇ ସାରିଛି l  ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା ସମଲେଶ୍ବରୀଙ୍କ ମନ୍ଦିରର ଭବ୍ୟ ରୂପାନ୍ତରଣ ହୋଇଛି l ଏହି ଉତ୍ସବର ପ୍ରସ୍ତୁତି ପାଇଁ ୩ ହଜାରରୁ ଅଧିକ କର୍ମଚାରୀ ଓ ଶ୍ରମିକ କାର୍ଯ୍ୟରତ ଅଛନ୍ତି l ଦୁଇ ଦିନ ଧରି ଚାଲିବ ପ୍ରକଳ୍ପ କାର୍ଯ୍ୟ ।

 ସମ୍ବଲପୁର ସମଲେଇ ପ୍ରକଳ୍ପର ଲୋକାର୍ପଣ ଉତ୍ସବ ପାଇଁ ଛୁଟି ଘୋଷଣା କରିଛନ୍ତି ରାଜ୍ୟ ସରକାର । ଚତୁର୍ଥ ଶନିବାର ଯୋଗୁଁ ସରକାରୀ ଅଫିସ୍ ମଧ୍ୟ ବନ୍ଦ ରହିବ । ପ୍ରକଳ୍ପରେ ୪ ଟି ଦ୍ଵାର, ମନ୍ଦିର ଟ୍ରଷ୍ଟ ବୋର୍ଡ କାର୍ଯ୍ୟାଳୟ, ୱାଚ ଟାୱାର, ଭୋଗ ମଣ୍ଡପ, ଦୀପ ଗୃହ, ଫାଉଣ୍ଟେନ, ଯାତ୍ରୀଙ୍କ ବିଶ୍ରାମ ଗୃହ ସହିତ ମିଶନ ଶକ୍ତି କାଫେ ମଧ୍ୟ ରହିଛି I ତେବେ ଏହି ପ୍ରକଳ୍ପ ପାଇଁ ବେଶ ଉତ୍ସାହିତ ଅଛନ୍ତି ସମ୍ବଲପୁରବାସୀ l ଏହାସହ ମୁଖ୍ୟମନ୍ତ୍ରୀଙ୍କ ଗସ୍ତ ପାଇଁ ମଧ୍ୟ ସମସ୍ତେ ଉତ୍ସାହିତ ଅଛନ୍ତି l