ବଢି ଚାଲିଛି ମହୁମାଛି ଆତଙ୍କ । କେନ୍ଦୁଝର ଜିଲ୍ଲା ତୁରୁମୁଙ୍ଗା ବଜାରରେ ଦେଖିବାକୁ ମିଳିଛି ମହୁମାଛି ଆକ୍ରମଣ । ଆକ୍ରମଣରେ ପ୍ରାୟ ୧୦ରୁ ଅଧିକ ଜଣ ଆହତ ହୋଇଛନ୍ତି ବୋଲି ସୂଚନା ମିଳିଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି ।  କଲେଜ ଛାତ୍ରଛାତ୍ରୀଙ୍କ ସହିତ ବିଦ୍ୟୁତ କାର୍ଯ୍ୟାଳୟର କର୍ମଚାରୀ ଓ ଅନ୍ୟ ଲୋକମାନେ ମଧ୍ୟ ଆହତ ହୋଇଛନ୍ତି । ବିଦ୍ୟୁତ କାର୍ଯ୍ୟାଳୟରେ ଏକ ମହୁମାଛି ବସା କରିଥିଲା କିନ୍ତୁ ବାଜ ପକ୍ଷୀ କାରଣରୁ ମହୁମାଛି ବସା ଭାଙ୍ଗି ଯିବାରୁ ଲୋକମାନଙ୍କ ଉପରକୁ ମହୁମାଛି ଆକ୍ରମଣ କରିଥିଲା । ବିଦ୍ୟୁତ କାର୍ଯ୍ୟାଳୟ ମଧ୍ୟରୁ ମହୁମାଛି ବସାକୁ ଭାଙ୍ଗିବା ପାଇଁ ମଧ୍ୟ ସୂଚନା ଦିଆଯାଇଛି । ବିଦ୍ୟୁତ କାର୍ଯ୍ୟାଳୟକୁ ବିଲ ଦେବା ପାଇଁ ଆସିଥିବା ଲୋକମାନେ ମଧ୍ୟ ଏହି ଆକ୍ରମଣର ଶିକାର ହୋଇଛନ୍ତି ।