ମୟୁରଭଞ୍ଜ : ପିଉସୀଙ୍କୁ ହତ୍ୟା କଲା ପୁତୁରା। ଏଭଳି ଏକ ଅମାନବୀୟ ଘଟଣା ବୁଧବାର ମୟୂରଭଞ୍ଜ ଜିଲ୍ଲା ବେତନଟୀ ଥାନା ଅଧୀନ ଦହିକୋଟି ଗ୍ରାମରେ  ଅପରାହ୍ନରେ ଘଟିଯାଇଛି। ପିଉସୀଙ୍କୁ ଧାରୁଆ ଅସ୍ତ୍ରରେ ହାଣି ପୁତୁରା ହତ୍ୟା କରିଥିବା ବେଳେ ଅଭିଯୁକ୍ତ ପୁତୁରାକୁ ଅଟକ ରଖି ପୁଲିସ ଜିମା ଦେଇଛନ୍ତି ଗ୍ରାମବାସୀ । 

ମୃତା ମହିଳା ଜଣକ ହେଉଛନ୍ତି ଗ୍ରାମର ସ୍ବର୍ଗତ ପଙ୍କଜ କୁମାର ମିଶ୍ରଙ୍କ ଭଉଣୀ ଚାରୁଲତା ମିଶ୍ର  l ଅଭିଯୁକ୍ତ ଜଣକ ହେଉଛି ସ୍ବର୍ଗତ ପଙ୍କଜ କୁମାର ମିଶ୍ରଙ୍କ ୨୧ ବର୍ଷିୟ ପୁଅ କାନ୍ଦୁରୁ ଓରଫ ତନ୍ମୟ କୁମାର ମିଶ୍ର  l 

ସୂଚନା ଅନୁଯାୟୀ ଚାରୁଲତା ବାରିପଦାରେ ଅନ୍ୟ ଜଣେ ଭାଇ ବ୍ରଜରାଜ ମିଶ୍ରଙ୍କ ଘରେ  ରହୁଥିବା ବେଳେ ମଝିରେ ମଝିରେ ଦହିକୋଟିସ୍ଥିତ ପୈତୃକ ଘରକୁ ଆସୁଥିଲେ l ଯେଉଁଠି ପୁତୁରା ଏବଂ ତାଙ୍କ ବିଧବା ଭାଉଜ ରହୁଥିଲେ।ତେବେ ବୁଧବାର ତନ୍ମୟ କଲେଜ ଯାଇଥିଲେ । କଲେଜରୁ ଫେରିବା ପରେ କୌଣସି କଥାକୁ ନେଇ କାନ୍ଦୁରୁ ଉତ୍ତ୍ୟକ୍ତ ହୋଇ ପିଉସୀ ଚାରୁଲତାଙ୍କୁ ଧାରୁଆ ଅସ୍ତ୍ରରେ କ୍ରମାଗତ ଭାବରେ ହାଣି ଚାଲିଥିଲା । ଯାହାଫଳରେ ଘର ଭିତରେ ହିଁ ଚାରୁଲତାଙ୍କ ମୃତ୍ୟୁ ଘଟି ଥିଲା। ଖବରପାଇ ଗ୍ରାମବାସୀ ଓ ପଡୋଶୀ ତନ୍ମୟଙ୍କୁ କାବୁକରି ପୁଲିସକୁ ଜିମା ଦେଇଥିଲେ । ଏନେଇ ବେତନଟୀ ପୁଲିସ ଏକ ହତ୍ୟାକାଣ୍ଡ ଜନିତ ମାମଲା ରୁଜୁ କରିଛନ୍ତି  l ତେବେ ଦହିକୋଟି ଗ୍ରାମରେ ଏଭଳି ଲୋମହର୍ଷଣକାରୀ ହତ୍ୟାକାଣ୍ଡକୁ ନେଇ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି l