ବଡ଼ ରେଳ ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ନାଗାବଳୀ ସୁପର ଫାଷ୍ଟ ଏକ୍ସପ୍ରେସ । ନାନ୍ଦେଡ-ସମ୍ବଲପୁର ନାଗାବଳୀ ଏକ୍ସପ୍ରେସ୍ର ଗୋଟିଏ ବଗି ଲାଇନଚ୍ୟୁତ ହୋଇଥିବା ଜଣାପଡିଛି ।
ସୂଚନା ଅନୁସାରେ, ନାଗାବଳୀ ଏକ୍ସପ୍ରେସର ଶେଷରେ ଥିବା ଜେନେରାଲ୍ ବଗି ଲାଇନଚ୍ୟୁତ ହୋଇଥିଲା । ବିଜୟନଗରମ ଷ୍ଟେସନ ପାଖରେ ବୁଧବାର ପୂର୍ବାହ୍ନ ୧୧ଟା ୪୦ ମିନିଟ୍ରେ ଲାଇନଚ୍ୟୁତ ହୋଇଥିବା ବେଳେ ବିଶେଷ କ୍ଷତିଗ୍ରସ୍ତ ହୋଇନାହିଁ । କେହି ମୃତାହତ ହୋଇନଥିବା ଇଷ୍ଟକୋଷ୍ଟ ରେଲୱେ ପକ୍ଷରୁ ସୂଚନା ଦିଆଯାଇଛି । ଲାଇନଚ୍ୟୁତ ଶେଷ ବଗିକୁ ବାଦ୍ ଦେଇ ଦିନ ୧୨ଟା ୪୭ରେ ଗନ୍ତବ୍ୟ ସ୍ଥଳକୁ ଯାଇଥିଲା ଟ୍ରେନ । ତେବେ ଏକ ବଡ଼ ଦୁର୍ଘଟଣା
ବର୍ତ୍ତିଯାଇଛି ।ତେବେ କେଉଁ ପରିସ୍ଥିତିରେ ଲାଇନଚ୍ୟୁତ ହେଲା ତାହା ବର୍ତ୍ତମାନ ସୁଦ୍ଧା ଜଣାପଡି ନାହିଁ । ତଦନ୍ତ ଜାରି ରହିଛି । ଟ୍ରେନରେ ଥିବା ଯାତ୍ରୀମାନେ ସାମାନ୍ୟ ବିଳମ୍ବର ସମ୍ମୁଖୀନ ହୋଇଥିଲେ ମଧ୍ୟ ସୁରକ୍ଷିତ ଭାବରେ ସେମାନଙ୍କର ଯାତ୍ରା ଜାରି ରଖିଥିଲେ ।