କେନ୍ଦୁଝର ଜିଲ୍ଲାରେ ଘଟିଛି ଗୋଟେ ଅଭାବନୀୟ ଘଟଣା । ଛୋଟ ଛୁଆ ପାଟିରେ ଫୁଟିଲା ବାଣ । ଛୁଆଟି ଅଜାଣତରେ ବାଣକୁ ପାଟିରେ ପୁରାଇ ଚୋବାଇ ଦେଇଥିଲା ଯାହାଫଳରେ  ବାଣଟି  ଛୁଆ ପାଟିରେ ଫୁଟି ଯାଇଥିଲା । ପରେ ଛୁଆକୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ, କେନ୍ଦୁଝର ଜିଲ୍ଲା ମହୁଲଡିହା ଥାନା ଦୁଆରସୁଣୀ ଗାଁରେ ଘଟିଛି ଏଭଳି ଏକ ଘଟଣା । ଛୋଟ ଛୁଆଟି ଦାଣ୍ଡରେ ଖେଳୁଥିବା ସମୟରେ ବାଣ ପାଟି ପୁରାଇ ଚୋବାଇ ଦେଇଥିଲା । ଯାହାଫଳରେ ବାଣ ଛୁଆ ପାଟିରେ ଫୁଟି ଯାଇଥିଲା । ପରେ ପରିବାର ଲୋକ , ତୁରନ୍ତ ଛୁଆକୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରିଛନ୍ତି । ପରିବାର ଲୋକଙ୍କ ଅସାବଧାନତା ପାଇଁ ଏତେ ବଡ଼ ଅଘଟଣ ଘଟିଗଲା । ଛୋଟ ଛୁଆ ଉପରେ ପରିବାର ଲୋକଙ୍କ ଦୃଷ୍ଟି ନ ଥିବାରୁ ଏଭଳି ଦୁର୍ଘଟଣାର ସାମ୍ନା କରିବାକୁ ପଡିଲା ।