ସିବିଆଇ ଜାଲରେ ଲେଫ୍ଟନାଣ୍ଟ କର୍ଣ୍ଣେଲ ଦୀପକ କୁମାର ଶର୍ମା। ବାସଭବନରୁ ଜବତ ହେଲା ୨.୨୩ କୋଟି ନଗଦ ଟଙ୍କା । ଏହାସହ ସିବିଆଇ ଶନିବାର ଲେଫ୍ଟନାଣ୍ଟ କର୍ଣ୍ଣେଲ ଦୀପକ କୁମାର ଶର୍ମାଙ୍କୁ ଗିରଫ କରିଛି । ସେ ପ୍ରତିରକ୍ଷା ମନ୍ତ୍ରାଳୟ ଅଧୀନରେ ଡିଫେନ୍ସ ପ୍ରଡକ୍ସନ ବିଭାଗରେ କାର୍ଯ୍ୟରତ ଥିଲେ । ଲେଫ୍ଟନାଣ୍ଟ କର୍ଣ୍ଣେଲ ଶର୍ମା ନିୟମିତ ଭାବରେ ଦୁର୍ନୀତି ଏବଂ ଅବୈଧ କାର୍ଯ୍ୟରେ ଲିପ୍ତ ଥିଲେ। ବେଙ୍ଗାଳୁରୁ ସ୍ଥିତ ଏକ କମ୍ପାନୀରୁ ୩ ଲକ୍ଷ ଟଙ୍କା ନେଇଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି ।
ପ୍ରତିରକ୍ଷା ଉତ୍ପାଦନ ନିର୍ମାଣ, ରପ୍ତାନି ଆଦିରେ କାରବାର କରୁଥିବା ବିଭିନ୍ନ ଘରୋଇ କମ୍ପାନୀର ପ୍ରତିନିଧିମାନଙ୍କ ସହିତ ଅପରାଧିକ ଷଡ଼ଯନ୍ତ୍ରରେ ସେମାନଙ୍କୁ ଅଯଥା ସୁବିଧା ପ୍ରଦାନ ବଦଳରେ ଲାଂଚ ନେଉଥିଲ । ସିବିଆଇକୁ ବେଙ୍ଗାଳୁରୁ ସ୍ଥିତ ଏକ କମ୍ପାନୀରୁ ସମ୍ଭାବ୍ୟ ଲାଂଚ ଦେବା ବିଷୟରେ ତଥ୍ୟ ମିଳିଥିଲା। ଏକ କମ୍ପାନୀ ନିର୍ଦ୍ଦେଶରେ ବିନୋଦ କୁମାର ନାମକ ଜଣେ ବ୍ୟକ୍ତି ଲେଫ୍ଟନାଣ୍ଟ କର୍ଣ୍ଣେଲ ଦୀପକ କୁମାର ଶର୍ମାଙ୍କୁ ୩ ଲକ୍ଷ ଟଙ୍କା ଲାଂଚ ପ୍ରଦାନ କରିଥିଲେ। ଏହି ମାମଲାରେ ବିନୋଦ କୁମାରଙ୍କୁ ମଧ୍ୟ ଗିରଫ କରାଯାଇଛି। ଶର୍ମାଙ୍କ ଦିଲ୍ଲୀର ତାଙ୍କ ବାସଭବନରୁ ୨.୨୩ କୋଟି ଟଙ୍କା ନଗଦ ଏବଂ ୩ ଲକ୍ଷ ଲାଂଚ ଟଙ୍କା ଜବତ କରିଛି ସିବିଆଇ। ଏଥିସହ ତାଙ୍କ ପତ୍ନୀଙ୍କ ଶ୍ରୀ ଗଙ୍ଗାନଗର ବାସଭବନରୁ ୧୦ ଲକ୍ଷ ଟଙ୍କା ଜବତ ହୋଇଛି।