ଆଜି ହେଉଛି ଅନ୍ତର୍ଜାତୀୟ  ଯୋଗ ଦିବସ । ଏହି ଅବସରରେ ସବୁଠି  ଯୋଗଦିବସ ପାଳନ କରାଯାଇଥିବା  ବେଳେ ସମ୍ବଲପୁର  ଭିଏସଏସ ଷ୍ଟାଡିଅମ ଇନଡୋର ହଲ ଠାରେ ଜିଲ୍ଲା ପ୍ରଶାସନ ପକ୍ଷରୁ ଅନ୍ତର୍ଜାତୀୟ  ଯୋଗ ଦିବସ ପାଳିତ ହୋଇ ଯାଇଛି । ଏହି ଅବସରରେ ପଞ୍ଚାୟତ ରାଜ ଓ ଗ୍ରାମ୍ୟ ଉନ୍ନୟନ ମନ୍ତ୍ରୀ ରବି ନାରାୟଣ ନାଏକ ମୂଖ୍ୟ ଅତିଥି ଭାବେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ଯୋଗ ଜୀବନ ପାଇଁ କେତେ ଦରକାର ସେନେଇ ଲୋକଙ୍କୁ ବୁଝାଇ ଥିଲେ ।  ଏହି ଯୋଗ ଦିବସ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଅଜାମ୍ବର ମହାନ୍ତି ଓ ସୁଚାରୁ କୁମାର ବଳ ମଧ୍ୟ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ସହରର ବିଭିନ୍ନ ଅନୁଷ୍ଠାନ ର ଛାତ୍ର ଛାତ୍ରୀ ସହ ଅନେକ ଲୋକ ଯୋଗ ଦେଇଥିଲେ।