ବୌଦ୍ଧ ଜିଲ୍ଲା ପୋଲିସକୁ ମିଳିଛି ବଡ ସଫଳତା । ବୌଦ୍ଧରୁ ମହାରାଷ୍ଟ୍ରକୁ ଟ୍ରକ୍ ଯୋଗେ ଚାଲାଣ ହେଉଥିବା ବିପୁଳ ପରିମାଣର ଗଞ୍ଜେଇକୁ ଜବତ କରିଛି ପୋଲିସ ।
ସୂଚନା ଅନୁସାରେ, ଶୁକ୍ରବାର ସକାଳେ ଏକ ଟ୍ରକ୍ ଯୋଗେ ମହାରାଷ୍ଟ୍ରକୁ ଗଞ୍ଜେଇ ଚାଲାଣ ହେଉଥିବା ସୂଚନା ମିଳିଥିଲା ବୌଦ୍ଧ ପୋଲିସ କୁ । ସୂଚନା ମିଳିବାର ସଙ୍ଗେ ସଙ୍ଗେ ବୌଦ୍ଧ ବ୍ରିଜ ଛକ ନିକଟରେ ପୁଲିସ ଉକ୍ତ ଟ୍ରକ୍କୁ କାବୁ କରିଥିଲା । ଟ୍ରକ୍ରୁ ମୋଟ ୧୦ କୁଇଣ୍ଟାଲ ୨୫ କେଜି ଗଞ୍ଜେଇ ସହ ଦୁଇ ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ମାନେ ହେଲେ ମହାରାଷ୍ଟ୍ର ନାଗପୁରର ଆଜାତ ସରଫରାଜ ଖାନ୍ ଓ ସିଦ୍ଧନାଥ ରାମ ମିଲନ ଯାଦବ । ଦୁଇ ଅଭିଯୁକ୍ତଙ୍କ ନିକଟରୁ ନଗଦ ୧୮ ହଜାର ଟଙ୍କା ଓ ୨ଟି ମୋବାଇଲ ଫୋନ୍ ମଧ୍ୟ ଜବତ କରାଯାଇଥିଲା । ପରେ ଉଭୟଙ୍କୁ କୋର୍ଟ ଚାଲାଣ କରାଯାଇଥିଲା ।
ଅନ୍ୟପକ୍ଷରେ ଏହି ଘଟଣାରେ କେବଳ ଗାଡ଼ିର ଚାଳକ ଓ ହେଲପର ଗିରଫ ହୋଇଥିବା ବେଳେ ଚାଲାଣକାରୀ ସଂପର୍କରେ କିଛି ଜଣା ପଡ଼ିନାହିଁ। ନିହାତି ଭାବେ ଉକ୍ତ ଟ୍ରକ୍କୁ ଏକାଧିକ ଚାଲାଣକାରୀ କାର୍ ଯୋଗେ ଏସ୍କର୍ଟ କରୁଥିବା ସନ୍ଦେହ କରାଯାଉଛି । ପୁଲିସ ସେଦିଗରେ ତଦନ୍ତ କରି ସେମାନଙ୍କୁ ମଧ୍ୟ ଗିରଫ କରିବାକୁ ସାଧାରଣରେ ଦାବି ହେଉଛି।
ଅଧିକ ପଢନ୍ତୁ : ଶ୍ରୀମନ୍ଦିର ରେ ଶ୍ରୀଜୀଉଙ୍କ ଗଜଉଦ୍ଧାରଣ ବେଶ