କେନ୍ଦୁଝର : ହୁତୁହୁତୁ ହୋଇ ଜଳିଗଲା ହାର୍ଭେଷ୍ଟର । ଏହିପରି ଘଟଣା ଦେଖୁବାକୁ ମିଳିଛି ରବିବାର ସଂନ୍ଧ୍ୟା କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ତ ସରମଙ୍ଗା ଗାଁ ନିକଟରେ ଥିବା ଏକ ଚାଷ ଜମିରେ । ହାର୍ଭେଷ୍ଟର ମେସିନଟି ଧାନ କାଟୁକାଟୁ ଜଳିପୋଡି ପାଉଁଶ ହୋଇଯାଇଛି ।

ସୂଚନା ଅନୁଯାୟୀ, ଗତକାଲି ସନ୍ଧ୍ୟାରେ ସେହି ଗାଁର ଅକ୍ଷୟ ସ୍ୱାଇଁ ତାଙ୍କ ବିଲରୁ ଧାନ କାଟୁଥିଲେ। ଏହି ସମୟରେ ହାର୍ଭେଷ୍ଟର ମେସିନର ସମ୍ମୁଖ ଭାଗ ବ୍ୟାଟେରୀ ପାଖରେ ହଠାତ୍‌ ନିଆଁ ଲାଗି ଯାଇଥିଲା। ଏହାପରେ ଡ୍ରାଇଭର୍ ଜଣଙ୍କ ଗାଡିକୁ ଦୂରକୁ ନେଇ ଡେଇଁ ପଡିଥିଲେ। ଏନେଇ ଅଗ୍ନିଶମ ବାହିନୀକୁ ଖବର ଦେଇଥିଲେ ଗ୍ରାମବାସୀ । ଖବର ପାଇ ଅଗ୍ନିଶମ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ। ତେବେ ଏହି ଅଘଟଣରେ ଅକ୍ଷୟ ସ୍ଵାଇଁଙ୍କ ଅଳ୍ପ ଧାନ ଫସଲ ନଷ୍ଟ ହୋଇଥିବା ଜଣାପଡ଼ିଛି।