ସମ୍ବଲପୁର : ଜାତୀୟ ରାଜପଥ ମୁଖ୍ୟ ନିର୍ମାଣ ଯନ୍ତ୍ରୀଙ୍କ ଅଫିସ୍ର ଆସବାବପତ୍ର ସିଲ୍। ବୁଧବାର ସମ୍ବଲପୁର ଠାରେ ଥିବା ସର୍କିଲ କାର୍ଯ୍ୟାଳୟ ରେ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି l ଜାତୀୟ ରାଜପଥ ମୁଖ୍ୟ ନିର୍ମାଣ ଯନ୍ତ୍ରୀଙ୍କ ସାର୍କିଲ କାର୍ଯ୍ୟାଳୟ ଗୋଟିଏ ଠିକା ସଂସ୍ଥାର ପାଉଣା ନଦେବା ରୁ ମାନ୍ୟବର କୋର୍ଟଙ୍କ ଆଦେଶ ବଳରେ କାର୍ଯ୍ୟାଳୟରେ ଥିବା ସବୁ ଆସବାବ ପତ୍ରକୁ ସିଲ କରାଯାଇଛି l

 ଆଜି ମାନ୍ୟବର ସିନିୟର ସିଭିଲ ଜର୍ଜ କୋର୍ଟଙ୍କ ନିର୍ଦ୍ଦେଶରେ କୋର୍ଟ କର୍ମଚାରୀ ମାନେ ସମ୍ବଲପୁର ସ୍ଥିତ ଜାତୀୟ ରାଜପଥର ମୁଖ୍ୟ ନିର୍ମାଣ ଯନ୍ତ୍ରୀଙ୍କ କାର୍ଯ୍ୟାଳୟରେ ଥିବା କମ୍ପ୍ୟୁଟର, ଚେୟାର, ଏଲଇଡି ଟିଭି, କମ୍ପ୍ୟୁଟର,ଏସି ସମେତ ସମସ୍ତ ଆସବାବପତ୍ର ସିଲ୍ କରିଛନ୍ତି l 

ମିଳିଥିବା ସୁଚନା ଅନୁସାରେ ଜାତୀୟ ରାଜପଥ କେନ୍ଦୁଝର ଡ଼ିଭିଜନରେ ଗତ ୨୦୦୭- ୨୦୦୮ ମସିହାରେ ଗୋଟିଏ ଠିକା ସଂସ୍ଥା ୪୦୧ ରୁ ୪୧୨ କିଲୋମିଟର ୬ ନମ୍ବର ଜାତୀୟ ରାଜପଥର କାର୍ଯ୍ୟ କରିଥିଲା । ତେବେ କାର୍ଯ୍ୟ ସାରିବା ପରେ ବି ବକେୟା ବାବଦକୁ ୭୪ ଲକ୍ଷ ବାକି ରହିଥିଲା l ତେବେ ମୂଳ ଟଙ୍କାକୁ ମିଶାଇ ବର୍ତ୍ତମାନ ପାଖାପାଖି ୧ କୋଟି ୪୨ ଲକ୍ଷ ଟଙ୍କା ବକେୟା ଥିବା ସୂଚନା ମିଳିଛି l ଏନେଇ ଠିକା ସଂସ୍ଥା ବାରମ୍ବାର ସମ୍ବଲପୁର ସ୍ଥିତ କାର୍ଯ୍ୟାଳୟକୁ ଦୌଡ଼ି ଦୌଡ଼ି ନୟାନ୍ତ ହେଵା ପରେ ୨୦୧୩ ରେ ଏନେଇ ଠିକା ସଂସ୍ଥା କୋର୍ଟରେ ମାମଲା ଦାୟର କରିଥିଲେ l ତେବେ ମାନ୍ୟବର କୋର୍ଟଙ୍କ ନିର୍ଦ୍ଦେଶକ୍ରମେ ସମ୍ବଲପୁର ସ୍ଥିତ ଯନ୍ତ୍ରୀଙ୍କ ସର୍କିଲ କାର୍ଯ୍ୟାଳୟର ଅଫିସର ସମସ୍ତ ଆସବାବପତ୍ର ସିଲ କରାଯିବା ସହ ସବୁ ଆସବାବପତ୍ରକୁ କୋର୍ଟ ରେ ଜିମା ଦିଆଯିବ ବୋଲି ସୂଚନା ରହିଛି l