ବଲାଙ୍ଗିର ଜିଲ୍ଲା ସଦର ରେଞ୍ଜ ଅନ୍ତର୍ଗତ ମଠଖାଇ ସଂରକ୍ଷିତ ଜଙ୍ଗଲରେ ଥିବା ଅସୁରଡୁଙ୍ଗୁରି ଠାରେ ଏକ ଦନ୍ତା ହାତୀର ମୃତଦେହ ଉଦ୍ଧାର ହୋଇଛି । ହାତୀ କୁ ମାରି ଦିଆଯାଇଥିବାବେଳେ ଦlନ୍ତ କାଟିନିଆଯାଇଛି । ଏହି ଖବର ବଲାଙ୍ଗିରରେ ଚାଞ୍ଚଲ୍ୟ ସୃଷ୍ଟି କରିଛି । ମିଳିଥିବା ସୂଚନା ଅନୁସାରେ ଆଜି ସକାଳେ ଅସୁରଡୁଙ୍ଗୁରି ନିକଟରେ ଏକ ହାତୀ ମରିଥିବା ଖବର ପାଇଥିଲା ବନବିଭାଗ । ସଙ୍ଗେ ସଙ୍ଗେ ଆରସିସିଏଫ ଙ୍କ ନେତୃତ୍ୱରେ ବନଖଣ୍ଡ ଅଧିକାରୀଙ୍କ ସମେତ ଏକ ଟିମ ଘଟଣାସ୍ଥଳରେ ପହଞ୍ଚିଥିଲେ । ଏବଂ ହାତୀ ମୃତ୍ୟୁର ସ୍ଥିତି ଅନୁଧ୍ୟାନ କରିଥିଲେ। ତେବେ ହାତୀ କିଭଳି ମଲା ସେନେଇ କିଛି ସ୍ପଷ୍ଟ ହୋଇ ପାରିନି । କିନ୍ତୁ ହାତୀକୁ ବିଦ୍ୟୁତ୍ ଆଘାତ ରେ ମୃତୁ କରା ଯାଇଥିବା ସନ୍ଦେହ କରାଯାଉଛି । ବନବିଭାଗ ତରଫରୁ ହାତୀର ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି। ପ୍ରକାଶ ଯେ ଏହି ଦନ୍ତା ଦୀର୍ଘଦିନ ହେଲା ବଲାଙ୍ଗିର ସଦର ରେଞ୍ଜ ଅଞ୍ଚଳରେ ବୁଲୁଥିଲା । ଗୋଠ ଛଡ଼ା ହୋଇଥିବାରୁ ଦନ୍ତାହାତୀ ଏକା ବୁଲୁଥିଲା । ଦେଓଗାଁ ଓ ବରକାନୀ ଅଞ୍ଚଳରେ ଏହି ହାତୀ ବୁଲୁଥିବା ବେଳେ ଏବେ ତାର ଜୀବନ ଯାଇଛି । ବନବିଭାଗ ଘଟଣାର ତଦନ୍ତ ଆରମ୍ଭ କରିଛି ।